WA MAWAGTANGI OG PAGLAOM

Kadaghanan sa mga babaye gusto makabaton og anak, ang uban mag-ampo ug mangayo sa Kahitas-an.

Sa ubang mga babaye, li-sod ang pagmabdos labi na kon duns kini kondisyon nga gitawag og polycystic ovary syndrome (PCOS) nga makaa-pekto sa hang hormone levels.

Ang mga babaye nga dunay PCOS kay mo-produce og mas daghan nga male hormones gikan sa normal amount nga maoy makaingon nga irregu-lar ang menstrual periods ni-ini nga maoy hinungdan nga maglisod kini og buntis.

Susama kini sa kondisyon ni Windy Cabatafia, nagpuyo sa lungsod sa Poro, isla sa Camotes.

Niadtong 2015, dihang na-hibaw-an ni Windy nga dunay kini PCOS human kini mag- pa-ultrasound.

Sa resulta sa ultrasound, iyang nahibaw-an nga polycystic ang iyang walang ovary nga daghan og mga follicles, apan

immature ug dako ang kahigayonan nga dili siya mabuntis.

Uban sa pagsalig sa Ginuo ug paghimo og mga paagi aron siya momabdos, natuman ang ilang damgo sa iyang pares nga si Emie “Em-em” Carcellar Jr, konsehal sa lungsod sa Poro.

“Hadlok kaayo kay basin di ko mabuntis. Among gi-count gyud namo kon kanus-a ang akong fertile day. Pag-count namo, kani siya amo gyud gi-timing. For the second time, mao to nabuntis ko,” paambit sa 30 anyos nga inahan.

Sa unang tulo ka buwan sa iyang pagsabak, nag-bleeding si Windy hinungdan nga gitambagan kini sa iyang obstetrician-gynecologist nga mopa- huway una og duha ka semana.

“Nahadlok kaayo ko ato kay basin malaglag simbako ang baby. Good thing nga nikapit siya,” asoy ni Windy.

Niadtong Pebrero 20, 2017, natawo ang bata nga usa ka babaye ug ginganlan kini og Zoe Amarra Carcellar.

Giangkon ni Windy nga sa sinugdanan nakaingon siya sa iyang kaugalingon kon kaya na ba niya nga mobuhi og anak gumikan sa iyang pangidaron nga 28 anyos niadtong higayona.

Niadtong Pebrero 17, 2019, gisaulog og sayo ang ikaduhang birthday ni Zoe Amarra sa Bakhaw Beach Resort sa lungsod sa San Francisco, Camotes nga adunay tema nga baby shark.

Ang birthday party gitambungan sa ilang mga kabanay ug suod nga mga higala sa San Francisco ug Poro.

/ TAMPO NGA MGA HULAGWAY ■ BIBO NGA BATA: Usa ka gasa gikan sa langit ang pag-abot ni Zoe Amarra sa kinabuhi sa iyang mga ginikanan nga sila si Emem Carcellar ug Windy Cabataña. Si Zoe gihulagway nga usa ka mahigalaon ug lagsik nga bata nga bag-ohay lang nagsaulog sa iyang ikaduhang birthday sa lungsod sa Poro, Camotes.