WA NAY UBOL-UBOL, DILA SI CHRISTINE
Wa na ang dila, ubol-ubol ug dunggan ni Christine Lee Silawan nga gituohan nga pugos nga gihulbot sa mga mamumuno.
Matod ni Supt. Benjamin Lara, medico legal officer sa PNP Crime Laboratory nga maoy nag-autopsy sa lawas ni Christine, daghan ang posibilidad nganong wa na ang dila ug ubol-ubol.
Wa nila wad-a ang posibilidad nga gikaon na kini sa mananap tungod kay nataod-taoran ang lawas niini sa usa ka hawan nga lugar.
Apan wa siyay nakita nga tilimad-on sa liog nga adunay pinaakan sa hayop.
Dako ang pagduda ni Lara nga gituyo sa mga killer ang pagkuha sa maong mga parte sa lawas ni Christine aron malangay ang pag-ila sa mga pulis sa dalaga ug makahigayon pa sila sa pagtago.
Lakip usab sa nawagtang na mao ang tuong dunggan niini nga naapil sa paglaplap sa panit sa iyang dagway.
MAAYONG PAGKAHIWA
Gigamitan kinig hait nga butang sama sa kutsilyo ang paghulbot sa tutunlan ug dila sanglit di kini basta-basta nga makuha tungod kay nakakabit kini sa iyang isig ka kilid sa liog.
Iyang giangkon nga lisod ang pagkuha sa maong mga parte kay bisan gani sa ilang pag-autopsy, maglisod pa sila pag-abli sa panit sa ulo sa tawo.
“This is the only thing that can help us conclude na this was meticulously done. I don’t see paano niya nabilisan. Even sa autopsy, it is difficult to open the head when we conduct our autopsy. And we use our knife and other equipment and mahirap siya. And di gaano kalinis, wala na yung mga muscles. So, this was really carefully and meticulously done,” matod ni Lara.
Una kining higayon nga nakasugat si Lara nga susama niini ka brutal nga krimen.
Iyang paghulagway sa mga suspek nga kahibawo mohiwa tungod sa kalimpyo sa agi niini.
“Again there is a possibility na that is the first thought that came to my mind. Baka marunong, sobrang linis walang natira sa side ng head and hindi ganoon yun even if we conducted an autopsy, pero nawala lahat,” dugang ni Lara.
FATAL
Sa 30 ka samad dinunggaban sa lawas, 12 niini miigo sa iyang baga, pito niigo sa right side sa iyang baga ug lima sa walang bahin sa baga.
Aduna usay igo sa atay ug sa pag-ukab nila sa tiyan sa biktima, nag-internal bleeding na kini.
Nagtuo si Lara nga di lang usa ka matang sa hait nga butang ang gigamit sa pagdunggab kang Christine tungod sa lainlain nga gidak-on sa samad nga ilang nakita sa lawas niini.
Ang mga ginikanan ni Christine Lee nga silang Mario ug Lourdes Silawan Pardillo gikuhaan nag swab sample alang sa himuon nga DNA examination.
Ang samples ipadala sa kaulohan sanglit wa pa magamit ang ilang kahimanan dinhi ug sud sa duha ngadto sa tulo ka semana posibling duna nay resulta.