‘Pamulitika’ luyo sa pagpasira sa 9 Jerome’s branches

Nagtuo si barangay Captain Raquel Avila sa Kamagayan nga pulitika ang hinungdan sa pagpasirado sa 9 ka mga branch sa Jerome’s Pawnshop and General Merchandise.

Ang pawnshop gipanag-iya sa iyang bayaw nga si Jerome Avila nga anak ni kanhi barangay kapitan Tito Avila.

Ang pawnshop giisyuhan na ni Mayor Tomas Osmeña og closure order niadtong Disyembre 2018 gumikan sa kakuwang sa papelis gikan sa Bangko Sentral ng Pilipinas.

Apan si Jerome nagpatabang ni Konsehal Jerry Guardo aron hangyuon si Osmeña nga dili una isirado ang ilang pawnshop.

Ang pamilya ni Jerome kauban ang iyang amahan ug mismo si Raquel niadto sa balay ni Osmeña niadtong Enero 6 ug gihatagan sila og extension. “Ok to suspend closure for up to June 30, 2019 to allow them to comply with CB (Central

Bank) requirements provided that they are current with City taxes,” tipik sa note ni Osmeña ubos sa closure order uban sa iyang pirma niadtong Enero 6.

Ang pamilyang Osmeña ug Avila uban sa presensiya ni Guardo nagpahulagway didto sulod sa pinuy-anan sa mayor.

Si Raquel, wala nisugot sa imbitasyon nga mobalhin sa BOPK ni Osmeña, niingon nga ni-resbak ang mayor.

Ang BOPK nagpulongpulong niadtong Enero sa V-Hire Terminal nikuyog si Raquel, Tito ug mga kaalyado sa BOPK sa barangay.

“After ato (pulongpulong) nga wa gyud ko nikuyog bisan pa sa ilang imbitasyon.." hulagway sa kapitan.