Pan Bisaya mao ang negusyo sa Caohagan SPLA
“Daghan ganahan sa mga nagpuyo diri sa Caohagan ganahan sa among pan bisaya nga sila pa gani ang mo follow up namo nga magluto mi, sila gyu’y mo una og ingon namo ana. Mao ng nadasig pud mi nga maghimo og pan. Tungod ana, adunay dugang kalambuan sa among asosayon diri sa Caohagan.”
Mao kini pamahayag ni Minerva Manoy, tresurera sa Caohagan Pan Bisaya Sustainable Livelihood Program Association (SLPA).
Ang Caohagan Pan Bisaya SLPA naa sa Barangay Caohagan, Olango Island, dakbayan sa Lapu-Lapu.
Ang kahugpongan dunay 48 ka miyembro uban sa 5 ka lalake ug 43 ka mga babaye nga nagdumala sa negusyo sa pan Bisaya.
Sagad sa mga miyembro nagpuyo sa mga isla, busa ang ilang nag-unang panginabuhian mao ang pagpanagat ug uba pa bahin sa dagat.
Kini nga matang sa trabahon walay garantiya ngaduna igong kita alang sa ilang panginahanglan matag adlaw.
Niadtong Mayo 2016, ang Department of Social Welfare and Development (DSWD) Sustainable Livelihood Program (SLP) nihatag og grant sa Caohagan Pan Bisaya SLPA nga balor P278,037.40 alang sa livelihood project.
Ang grupo opisyal nagsugod sa ilang negusyo sa Hulyo sa samang tuig.
Sukad niadto, ang grupo nakakita og daghang suki sa ilan pan nga mga lokal nga residente ug mga langyaw sama sa Korean, Japanese ug American tourists nga mosita sa ilang dapit.
Sulod sa kapin sa duha ka tuig sa negusyo, ang gma sakop nakakita sa dakong kalamboan sa Pan Bisaya livelihood project.
Apan, unas gyud ang Pan bisaya?
“Ang ilang asosasyon sa SLP naggamit og pugon o tradisyonal nga pamaagi sa pagluto og pan bisaya. Nag dugang sab sila og ispisyal nga sagol sama sa tuno ug desiccated coconut. Pan bisaya kini tungod sa ilang pamaagi sa pagluto,” matod ni Chuck G. Mutia, SLP Monitoring Project Development Officer.
Si Brgy. Captain Ranilo C. Abayan sa Caohagan nagsuport asa SLPA pinaagi sa pagtugot nga makagamit nga libre sa dapit nga nalatid sa ilang corresponding memorandum of agreement.
Kini nakapadasig sa gruposa paghimo og pan bisaya matag adlaw.
Ang pagdasig nga ilang nakuha nga mga lumolupyo ug lokal nga komunidad lakip sa mga turista nga nagpuyo na sa isla.
Subay sa ilang pagdumal sa negsyon, kini nakatabang sa mga sakop nga makabenepisyo ang ilang pamilya.
"Sukad naabot ang SLPA diri, dako gyud nig natabang namo kay tungod nga sa wala pani sya, dili gyud mi kahibalo mo gama og mga pan, di mi kahibaw mugama anang unsay mga menu, procedure ani niya. Kung ang mga membro maglisod gani unya wala sila’y lain magamit, makaduol gyud sila sa asosasyon kay naa man silay madawat nga ginansya," matod ni Minerva Manoy, SLPA Treasurer.
"Dako kaayo mi’g pasalamat sa mga kadagkoan sa DSWD nga sila usa pud nga ni padasig kanamo nga kining asosasyon ma improve gyud. Kay bisan kalisod pag-atubang ani sama aning sa dakong bawod, sila mauri gyud aron mugiya namo unsaon pagpalambo aning asosayon," dugang ni Bisilda A. Mellino., SPLA President.