WESTBROOK GIPAMULTA; FAN SA JAZZ GI-BAN SAB
Gipamulta ang star player sa Oklahoma City nga si Russel Westbrook og $25,000 tungod sa iyang grabing pagpakiglantugi sa usa ka magdadapig sa Jazz atol sa ilang duwa sa NBA niadtong Lunes didto sa Vivint Smart Home Arena sa Utah.
Kini gikompirmar sa vice -president sa basketball operation sa NBA nga si Kiki Van De Weghe kagahapon.
Ang Utah Jazz, sa ilang bahin, mipahibawo usab nga ila usab nga gipahamtangan og ban for life ug dili na makasulod sa arena ang ilang dumadapig nga nalambigit sa maong insidente.
Naobserbaran nga si Westbrook masuk-anon kaayong nakiglantugi sa fan atol sa maong duwa diin midaog ang Thunder, 98-89. Ang 2017 NBA MVP dali gilayong mipadayag nga nainsultohan siya sa gisulti sa iyang gikabangi.
“The young man and his wife in the stands told me to get down on my knees like you used to,” matod ni Westbrook.
“And for me that is completely disrespectful. I think it is racial. It is inappropriate.
“There are people that come to the games to say mean disrespectful things about me and my family. For many years I have done all the right things and never done anything to hurt or harm anybody. Never been in any trouble. Never fought a fan.”
Gikompirmar sa Jazz nga dili na makasulod sa arena ang maong supporter nga giilang si Shane Keisel diin ilang gihulagway nga subra ra ang mga masakit nga pulong nga giluwatan niini.
Ilang gipasabot nga kini ilang gipahamtang human nila gibalik og tan-aw ang footage sa insidente.
“Everyone deserves the opportunity to enjoy and play the game in a safe, positive and inclusive environment,” padayag ni Utah president Steve Starks.
Ang Utah players nga sila si Donovan Mitchell ug Thabo Sefolosha mipadayag usab sa ilang pagsuporta ni Westbrook.
“As a black man living in a community I love, and playing on a team that gives me the opportunity to live out my dreams, this incident hit close to home,” matod ni Mitchell.
“Racism and hate speech hurts us all, and this is not the first time that something like this has happened in our arena. The Utah that I have come to love is welcoming and inclusive and last night’s incident is not indicative of our fanbase.”
Si Keisel mihimakak sa pasangil ug matod niya nga igo ra niyang giingnan si Westbrook nga “sit down and ice your knees.”