Rams mipukan sa Hawks sa Elite basketball

Gipatapsangin sa Rams ang Hawks, 68-66, sa nagpadayong nga Season 14 Elite Basketball Club Cebu nga gipahigayon niadtong Dominggo, Marso 10, sa Visayan Glass Gym, barangay Guadalupe, dakbayan sa Sugbo.

Si Careem Micarandayo nangulo sa Rams nga may 20 puntos samtang miabag kaniya sa kulbahinam ug makutas nga kadaugan si Edward Saberon nga may 11.

Sikit ang panag-engkuwentro ilabi na sa naghinapos nga bahin sa fourth quarter una pa nasiguro sa Rams ang ilang kadaugan. Nangulo sa nahagsa nga Hawks si Axel Rabaya nga may 13 puntos.

Sa laing duwa, gilupig sa Tigers ang Sharks, 86-81.

Nagkumboya og 66 puntos sila si Jojie Bas, Nino Obeso ug Joel Bensig sa maong kadaugan nga nagpukan sa Sharks kinsa nakakuha og 26 puntos gikan ni RV Dolloso.

Yano usab nga gikunis-kunis sa Panthers ang Lions, 66-47.

Ang torneyo hugot nga gipaluyohan sa Toughgear Sportswear.

Mga puntos:

Rams (68) - Micarandayo 20, Saberon 11, Matidios 8, Lubiano 7, Dayanan 6, Entrampas 6, Trangia 4, Besin 2, Ruiz 2, Igay 2 Hawks (66) - Rabaya 13, Truz 12, Zarco 9, Lañojan 6, Baylosis 6, Aldave 6, Tapdasan 6, Fernandez 4, Arnado 2, Remoroza 2 Quarter: 14-16, 25-33, 44-47, 68-66

Tigers (86) - Bas 26, Obeso 25, Bensig 15, Belande 9, Marzon Tabay 5, Revilla 3, Langomez 3. Sharks (81) - Dolloso 26, Bulan 9, Rosal 9, Villardar 8, Reyes 8,Brigoli 7, Pioquinto 5, Cabatino 4, Labagala 4, Malana 1

Panthers (66) - Sanchez 21, Valencia 13, Buot 11, Chan 6, Co 5, Saavedra 3, Salarda 3, Chua 2, A. Patalinghug 2. Lions (47) - Abayon 12, Abing 11, Caritan 7, Renzo Senining 5, Ralph Senining 5, Pogoy 4, Gonzales 2,Clarete 1 Quarter: 15-13, 2526, 34-34, 47-66.