Boxing writers sa US dunay pagdapig ni Floyd Jr. kontra Pacquiao?

Lig-on nga kandidato si senator Manny Pacquiao alang sa “Fighter of the Decade” award tungod sa iyang mga maayo ug dekalidad nga mga away, ang gidugayon sa iyang karera ug labaw sa tanan ang imporesibo niyang performance sulod sa uwahing napulo ka tuig, bisan pa sa iyang pangidaron.

Gani, ang inila nga Ring Magazine, ang mga boxing netizens nga naglakip sa Europe ang miuyon nga ang Filipino boxing icon maoy mamahimong back-to-back nga FOTD awardee batok sa uban nga naglakip sa mga niretiro na nga mga Amerikanhong sila si Floyd Mayweather Jr. ug Andre Ward.

Gawas sa FOTD award, si Pacquiao usa usab sa mga ligong pili-onon sa pagka Fighter of the Year award sa 2019 ilabi na sa iyang kadaugan batok sa batan-on nga kanhi undefeated Keith Thurman sa ilang WBA super welterweight title.

Pero daw og sa miluta karon ang plano sa mga sakop sa American boxing media nga maoy posibling makapasagmuyo ug mobabag sa kampanya ni Pacquiao alang sa FOTY ug FOTD awards.

Kini naobserbahan sa dihang sa uwahing nanggawas nga mga kulom ug artikulo ni Douglass Fischer, editor in chief sa Ring Magazine, kinsa nakadayeg usab sa gipakita ni Pacquiao, mibutyag nga sagad sa mga sakop sa Boxing Writers Associatin of America (WBAA) ang pabor nga mobotar nila ni Floyd ug Ward.

Unya sa Boxrec.com, usa ka boxing monitoring sa US, mipagawas usab og listahan sa mga greatest boxers diin nag-una si Mayweather Jr. ug distansiya nga nagsunod si Pacquiao. Ikatulo si Carlos Monzon samtang nagsunod sila si Muhammad Ali ug Sugar Ray Robinson.

Sa mga nalista, si Pacquiao mao ray nagpabilin nga aktibo, ug kini maoy nakapa-intriga.

Hinuon dunay mga pangagpas nga basin ug gituyo kini aron pagduslit og kaikag nga mahinayon ang Pacquiao-Mayweather rematch nga maoy moresolbar sa issue.