San Miguel dili gusto’g Game 7
Masaligon ang import sa San Miguel Beer nga si Chris McCllough nga matapos ug malangkat na nila ang titulo sa 2019 PBA Commissioner's Cup bestof-seven Finals karong gabii sa Araneta Coliseum.
Dala ang 3-2 nga bintaha sa series, dili itugot sa McCullogh ug sa Beermen nga aduna pay Game 7 sa finals.
Si McCullogh mitali og 35 puntos, 22 ka rebounds ug upat ka assists sa Game 5 ug maoy responsabli sa dakong rally nga gihagsa sa Beermen sa fourth quarter diin siya mitali og 19 puntos.
Ang iyang lusot atubangan sa depensa sa import ni TNT nga si Terrence Jones ug ang duha ka free throws sa himatyong segundos maoy nagselyo sa ilang kadaugan.
“We’re going to win this sh*t,” pasalig ni McCullough sa interview. “Definitely one more game, we’ll come ready to play, be mentally locked in, and get this win. Not let it go to a Game 7,” dugang ni McCullough.
Mao usab kini ang panghinaot ni June Mar Fajardo kinsa wa igbali nga hamubo ra ang iyang playing time kay sa Fil-German nga si Christian Standhardinger nga maoy gitahasan sa pagbantay ug pagpakgang ni Jones.
“Sana next game ganun pa rin, ma-contain namin si Terrence Jones. Kahit ‘di namin siya mastop totally pero ma-minize lang namin yung scoring niya, yung touches niya. So yun, malaking bagay yun para sa’min.”
“Ayaw namin ng Game 7, pero alam naman namin na hindi magro-roll over yung Talk ‘N Text eh. Gusto nila aabot ng Game 7. Kami gagawin namin lahat para matapos sa Friday, kahit hindi man ganun kadali pero try namin.”
Mikid-op ang paglaom sa San Miguel sa katapusang 10:43 sa fourth quarter human nakapusti og 85-69 nga labaw ang TNT pinaagi sa tres ni Roger Pogoy, apan wa kini makapugong sa kabangis ni McCullough kinsa mipabutog 19 puntos sa maong quarter nga maoy nag-aswat sa ilang kadaugan.