Crawford nawad-an sa paglaom ni Pacquiao

Giangkon ni Terrence Crawford nga hanap na nga makab-ot ang iyang tinguha nga makigsangka ni Filipino boxing superstar Manny Pacquiao bisan pa man ug iyang gipabuhagay ang iyang dakong interes niini.

Ang 40-anyos nga Pacquiao maoy pinaka-edaran nga WBA welterweight champion human niya mabuntog si Keith Thurman pinaagi sa split decision didto sa Las Vegas sa niaging buwan.

Apan ang wa pay pildi nga Crawford (35-0, 26 KOs) nagtuo nga mas gipalabi pa ni Pacquiao ang pagpakig-rematch ni Floyd Mayweather Jr. kay sa pagpakig-away kaniya.

“I wouldn’t say so,” matod ni Crawford sa dihang giikahinabi sa podcast ni Joe Rogan sa YouTube. “Because I was being mentioned to fight Pacquiao since 2014 and we were in the same promotional company, they couldn’t make it happen.

Nagtuo si Crawford nga kuli na kaayo kining mahitabo ilabi na kay gusto ni Freddie Roach nga ilikay si Pacquiao nga makig-away kaniya.

“I don’t think he was interested because his coach [Freddie Roach] mentioned numerous times he didn’t want him to fight me, and he wanted him to stay away from me.” Gipabuhagay ni Crawford nga nasagmuyo kaayon siya sa dihang napildi si Pacquiao ni Jeff Horn niadtong 2017, tungod kay mao na unta kadto ang magyawe nga maaway niya ang fighting senator.

Human sa iyang kadaugan ni Pacquiao, si Horn nakigsangka ni Crawford niadtong Hunyo 2018 apan na-knockout kini sa ikasiyam ka round sa ilang WBO welterweight title fight.

Hinuon, nakadayeg si Crawford sa gipakita ni Pacquiao batok ni Thurman kinsa manghod kaniya og 10 ka tuig.

“I take my hat off to Pacquiao,” ingon niya. “Both of them fought in spurts. I thought Keith was gonna pick up on it.