LBJ GIPIKHAN SA MGA SENADOR
Nakasugat og mga pagsaway si LeBron James sa dihang sa iyang gibirahan ang general manager sa Houston Rockets nga si Daryl Morey kinsa mipadayag sa iyang pagsuporta sa mga nagprotesta sa Hong Kong,
Kon kahinumdoman, pinaagi sa iyang tweet niadtong Oktubre 4, si Morey nagkanayon nga “Fight For Freedom. Stand With Hong Kong.”
Hinuon, wa ra magdugay, gi-delete ra dayon kini.
Ang maong tweet nakapaisa sa kilay sa Chinese government ug sa pipila ka mga sector sa China nga nanawagan sa NBA nga pasilutan si Morey. Apan ang NBA igo lang midepensa ug mipasabot nga ilang girespetohan ang gi-tweet sa executive sa Rockets kay kini kabahin sa freedom to express.
Apan alang kang James nga sayop ang gihimo ni Morey ug daw sa wala kini ma-edukar sa panghitabo sa Hong Kong. “Yes, we do have freedom of speech,” tubag ni James sa dihang gipangutana kon angayan bang silutan si Morey tungod sa iyang gi-tweet. “But at times, there are ramifications for the negative that can happen when you’re not thinking about others, when you only think about yourself.”
Iyang gisaysay nga daghang nasakitan sa gipadayag ni Morey ug angay gyud unta kining magmatngon kon unsay angay ipadayag niini.
“Even though yes, we do have freedom of speech, it can be a lot of negative that comes with
it,” dugang ni James. Apan pipila pa lang ka oras human sa pamahayag ni James, misumbalik kaniya ang mga pagsaway sa social media nga naglakip sa mga dagkong opisyal sa Amerika.
“It’s sad to see him join the chorus kowtowing to Community China & putting profits over human rights for #HongKong,” pag-tweet usab ni Sen. Rick Scott, sa Fla. Laing senador sa Nebraska nga si Ben. Sasse ang mipost usab sa iyang Twitter account nga mihingalan ni James og “parroting communist propaganda.
“China is running torture camps and you know it,” dugang ni Sasse.
“Unbelievable.””Having just been streets in & Hong with Kong the protesters - on the - this kind of garbage is hard to take,” birada usab ni Sen. Josh Hawley iyang linahi nga tweet. “LeBron, are YOU educated on ‘the situation’? Why don’t you go to Hong Kong? Why don’t you meet the people there risking their lives for their most basic liberties.”
Si Aaron Lee, 36, marketing director, mibutyag usab sa AP nga kataw-anan ang pamahayag ni James nga daw og sa mipabor sa China.
“He was being honest, financially,” ingon ni Lee. “LeBron James stands for money. Period.”
Ang nalatid sa unahan maoy pipila lang sa daghan pang negatibong reaksyon sa social media.
Apan si James, sa iyang bahin, miklaro ug mipasabot sa iyang gipamahayag. “Let me clear up the confusion. I do not believe there was any consideration for the consequences and ramifications of the tweet. I’m not discussing the substance. Others can talk About that,” ni James pa. /