Palayo sa cancer

Pink October na sab maong atong balikan paghisgot kining mahitungod sa sakit nga breast cancer ug ubang mga pagkaon nga imbis makaayo, makapasamot hinuon pagpadaghan ug kusog nga pagkatag niini sa atong lawas.

Dunay gihimong nga pagtuon ang mga eksperto ug mga oncologist (espisyalista sa sakit nga cancer), matod sa Herstyle Online, sa mga pagkaong makapasamot, makapaspas pagtubo og makapadaghan sa mga cancer cells sa lawas sama sa mga carcinogenic meats kon karne nga kasagaran gikan sa mga pagkaong de lata o mga processed foods nga daghan og preservatives ug sodium nitrates sama sa kinaham nga hotdogs, langonisa, chorizo, bacon, ham ug uban pa. Kini maoy kasagarang maka-ingon sa colorectal cancer.

Makapasamot sab kining pagkaon nga daghan ug taas og transfats sama sa mga burgers, pizza og fries. Naay mga manufacturers nga hilom nga naggamit ini sa ilang mga baligya nga cookies, granola bars, margarine, mantika, mga cereals, crackers, chips lakip mga bake products (mga cakes o pan).

Busa, inig palit og bake products, pilia ang way daghang preservatives. Mahibaw-an kini nimo kay ang expiration date sa pagkaon mubo raman. Kung dunay marka nga hydrogenated oils (PHOs), pasabot nga duna kini preservastives maong dugay madaot kay motaas man ang shelf life ini. Sunod kining mga artificial sweeteners apil artificial sugar nga naa sa diet soda /

softdrinks. Kini maoy makapasamot sa sakit nga lymphoma ug leukemia.

Sunog o grabe ka pagod nga karne labi na sinugba. Mas mayo kung sinugbang isda o mga utanon ug lagutmon ang kan-on kay wa kini panguntra.

Puti nga mga bake products kay makapasaka kini sa kamay sa lawas og sa ngadto-ngadto maka-ingon sa lung cancer. Mas maayong whole wheat flour, oatmeal o brown rice ipuli sa diet.

Katapusan kining humot nga microwaveable popcorn kon butter bomb. Ang putos ining maong popcorn dunay carcinogenic chemicals nga maoy makapasamot sa cancer. Mas maayo to ang naandang pagluto sa popcorn ibabaw sa stove.