MAINES PADAYONG MAG HEPE SA CCPO

Dili pa mahimong hulipan sa katungdanan ang officer in charge sa Cebu City Police Office Police Colonel Geovanie Maines nga mao usab ang kasamtangang Deputy Regional Director for Operations sa Police Regional Office 7.

Kini human misuwat si Cebu City Mayor Edgardo Labella nga miduso siyag pangalan nga mahimong OIC sa CCPO.

Matod ni Colonel Maines nga huwaton pa nila ang imbestigasyon sa National Bureau of Investigation sa kamatayon ni Clarin Misamis Occidental Mayor David Navarro niadtong Nobiyembre 25.

Gipasabot sa opisyal nga kon mogawas ang imbestigasyon sa NBI nga walay tulobagon si Colonel Gemma Vinluan, mahimong makabalik na kini sa iyang pwesto isip hepe sa CCPO.

Si Colonel Vinluan kasamtangang anaa karon sa Regional Personnel Holding Admin Unit sa PRO-7.

Apan kon mogawas nga sadan kini isip command responsibility, di na ibalik ang babayeng CCPO director.

Una nang mi rekomendar si Mayor Labella kang Police Brigadier General Valeriano de Leon nga mahimong sunod nga officer in charge sa CCPO nga mao si Police Colonel Arnel Banzon, kasamtangan nga hepe sa Regional Operations Division sa PRO-7.

Gipahibawo hinuon niya nga ang PRO-7 director ang mohukom kon kinsa gyud ang molingkod isip hepe sa CCPO.

“In case na mayrong nang verdict halimbawa na sinabing halimbawa lang ay di siguro talagang matutuloyan na siya, pero kung wala naman makakabalik naman siya yan ang pagkaka alam ko sa sitwasyon nya,” matod pa ni Maines.

Andam hinuon siya nga mo bakante sa posisyon sa CCPO tungod kay siya man usab ang DRDO sa PRO-7.

Samtang si de Leon miangkon nga nagkita sila ni Mayor Edgar Labella sa Malacañang atol sa usa ka kalihukan nga ilang gitambongan.

Dunay gihatag nga rekomendasyon ang mayor kaniya.

Apan iyang gipasabot nga ipaagi nila sa PNP standard nga proseso kon ugaling magkinahanglan nag bag-ong CCPO director diin mohatag silang ngalan sa mga kwalipikado nga PNP official nga pilian usab ni Mayor Labella.

“Mayron syang recommendation mayrong syang na pupusoan but we have to jive this with the existing standard and procedures of the PNP side,"matod ni de Leon.

Dugang sa heneral nga nagtan-aw usab siya sa career ni Vinluan nga kinahanglan usab nga mosaka kini ug dili angay nga maapektohan.

Nakig-estorya na usab siya kang Vinluan ug iya nang gipasabot kon unsa man ang resulta sa imbestigasyon sa NBI nga mahimong makabalik ra siya sa iyang pwesto o kaha mosaka siyag laing posisyon sa PNP.