Adik-adik nga babaye
Adik-adik siya; pula ang iyang mga mata. Dili kana ikalimod pa. Ug labaw nga dili ikalimod nga ang buring nga moserbisyo kaniya sa usa ka barungbarong sa dalan Junquera usa usab ka adikadik nga sama kaniya kay pula usab ang mga mata niini. Amanos, tabla!
Ang bugaw nga bayot maoy mitugyan kaniya sa buring nga adik-adik usab. Kumbati sila niini sa katre. Bahugbahog nga way taman. Nagdumog sila sa higdaanan. Magsinagpaay sila sa kalalim sa ilang gibati.
Mga sadista sila. Wala silay gibating kakapoy ug magukob sila kanunay.
Tulo na ka rawon ang ilang kumbati ug nagapusnga na sila.
Nahikatulog siya. Kaadlawon nang gipukaw siya sa bugaw nga bayot. Brip na lang ang iyang nasul-ob. Gihimulbolan siya. Nasuko siya.
“Hain na kadtong burikat?” misukot siya. “Gihakutan ko niya sa tanan!”
“Sala nimo,” matod sa bayot. “Giingnan tikaw nga ayaw kadtong babayhana.
Nahisalaag lang kadto dinhi ug nakig-ubay sa mga buring dinhi. Apan mipili ka gyud niya.” “Kinsa man diay kadto siya?”
“Ambot lang. Pangitaa didto sa gawas kay makit-an ra nimo.”sa bayot. “Unsay makit-an?” “Basta pangitaa lang didto sa gawas. Atua kaniya ang mga sapot mo. May kustomer pang mosulod dinhi. Sibat na!” sa bayot.
Mibiya siya sa barungbarong nga morag Igorot, ug wala siyay kauwawan kay mingaw ang kadalanan sa bag-ong kaadlawon. Nagpaantaw siya ug may nasiplatan siya sa usa ka eskina haduol sa dakong basurahan. May tayaong barel nga puthaw nga puno sa mga basura.. Nakita niya ang adik-adik nga babaye nga nanguykoy sa mga basura. Nakapunit kinig pinutos nga hamburger. May salin pa sa pinutos. May nasabtan na siya ug nagpanglingo. “Gutom, uy!” matod sa adik-adik nga babaye nga mipang-it sa burger. “Manyak uroy kadtong animal! Lupig ko da!” Unya gikawot niini ang atubangan sa bilahan.“Kakatol ba, uy!” Sa naglaundok nga mga basura, nalantawan niya ang iyang nagkatag nga mga sapot. Nakapanakla siya ug nangimogkimog ang kaunoran. Kay adis-adis siya, wala niya masingo ang kabaho sa lawas sa babaye nga way kaligo kagabii, sa panagdulog nila sa kama.
(KATAPUSAN)