Dugang P200-M ang makolektang buhis sa Cebu City

Madugangan og dul-an P200 milyunes ang koleksyon sa Cebu City Government sa higayon nga maaprobahan sa konseho ang nag-ung-ong nga Tax Amnesty Ordinance didto sa konseho.

Si Majority Floor Leader Raymond Garcia, kinsa maoy chairman sa committee on laws sa konseho, niumol og ordinansahon nga magpaubos sa penalty ug surcharge gikan sa 97 percent ngadto na sa 20 percent sa libuan kao mga tax payer nga naaprobahan na sa ikaduhang pagbasa.

“The amnesty contemplated and granted by this Ordinance shall apply to the interests, penalties, and charges on all kinds of taxes , such as but not limited to real property taxes, business taxes, community taxes, and such other fees and charges imposed by the City Government,” tipik sa ordinansa ni Garcia.

Si Atty. Jerone Castillo, office-in-charge sa City Treasurer's Office, niingon nga ang gihimo ni Garcia mao ang pagpasayon sa negusyo ug pagpagaan sa problema nga gipas-an sa mga negusyante.

"In line of the concept ni Mayor Edgardo Labella to really ease up everything for businessman and the tax payer, mao tong giduso ang programa nga amnesty. Instead of maximum 72 percent interest ug 25 percent surcharge or vice versa, mahimo na siyang straight cut nga penalty nga 20 percent, naa gihapon ang penalty apan dili ang maximum,” padayag ni Castillo. Subay sa data gikan sa

CTO, niabot og kapin 1,000 ka business establishment ang makabenepisyo sa maong Tax Amnesty Ordinance kansang buhisanan nga naglakip sa penalty ug surchage moabot og P679 milyones gikan niadtong tuig 2014.

Si Castillo nihulagway nga magpabilin nga dili makolekta sa City Government ang maong kantidad kon dili mangita og paagi ang City Hall og paagi para makuha kini.