Gusto ni Labella sa CCPO nasakit

Giangkon sa officer-incharge sa Cebu City Police Office (CCPO) ug sa kasamtangang Deputy Regional Director for Operation sa Police Regional Office (PRO) 7 Police Colonel Giovanie Maines nga gitaktak sa pwesto si Colonel Arnel Banzon.

Apan kini walay koneksiyon sa hangyo ni Mayor Edgar Labella nga himuon kining OIC sa CCPO si Banzon.

Matod ni Colonel Maines nga si Colonel Banzon girelibohan isip hepe sa Regional Operation Management Division tungod sa iyang sakit sa likod nga hinungdan nga dili kini makatarong sa trabaho.

Kasamtangan nga gi estino si Colonel Banzon sa Regional Personnel Holding Admin Unit samtang nagpahigayon kini sa pagpatambal sa sakit sa iyang likod.

Atol sa ilang miting ni Mayor Labella sa City Hall niadtong Martes Nobiyembre 26, gibutyag sa mayor nga si Banzon ang iyang gusto nga mangulo sa CCPO.

Apan iya kining gipasabot nga mahimong sundon ang hangyo sa mayor apan sa pagkakaron, wala pa mahuman ang imbestigasyon sa National Bureau of Investigation (INBI) sa nahitabong pagpatay kang Mayor David Navarro.

Mahimong hulipan na sa dayon si Colonel Gemma Vinluan ug ikonsiderar si Colonel Arnel Banzon nga mopuli

o makabalik ra kini sa iyang pwesto.

“Accordingly na hospital nagkasakit si Colonel Banzon sa likod yung ini inda nya yan yun ang isang dahilan bakit na relieved sya kase hindi na siya maka pag work eh operation sya at dyan ang lahat ng trabaho ng police natin very crucial na office na yan. that is tha choice of the mayo , how can our regional director appoint him kung may sakit naman?” matod ni PColonel Giovanie Maines. Mahimo usab nga motudlo si Police Brigadier General Valeriano de Leon og laing police official nga magsilbing OIC sa CCPO samtang magpadayon pa ang pagpangitag ihulip lang Vinluan.

Adunay migawas nga impormasyon gikan sa usa ka kasaligang tinubdan sa PRO-7 nga si De Leon nagdala nag tawo gikan sa kaulohan nga iyang palingkuron sa CCPO.

Wala hinuon kini gikompermar ni Colonel Maines apan matod niya katungod ni General Del Leon kinsa ang iyang himuong CCPO director.