Nausab ang asawa

Dear Noy Kulas,

Good day. Mangayo unta ko og tambag parte aning akong asawa nga gwapa ug sexy. Kuan man gud, sukad nga wa na ko maka work while siya naa kay exempted ang ilang industry, lahi na siya og lihok diri nako. Tagdugay na siya mouli kay kuno dungan sila tanan ihatod sa ilang sakyanan. Tuo man ko hinuon sa iyang sulti. Pero ang akong nabantayan, di na siya hapit managa nako kay magsige na lang og kutingkuting sa iyang cellphone unya masuko kon akong buyagon. Wan a lang ko magsige og sulti niya kay mauwaw ko sa among mga anak nga dagko na.

Karon ra ni nag-ingon ani ang akong asawa sukad nga naa nay Covid. Di man ni siya ingon ani kaniadto. Malain ko kay kada dayon higda namo moingon dayon siya nga pakaliguon ko kay basin naay Covid.

Unsa kahay nahitabo aning akong asawa? W aba kaha ni makapag og lain? Karon na hinuon nga edaran na mi unya dagko na ang mga bata mag-ingon ani siya. Pero in fairness, sexy ug gwapa gihapon akong asawa kay amping kaayo siya sa iyang body. Unsa kahay imong tan-aw, Noy Kulas?

PEDI

Ped,

Karong panahuna di angay iduda tungod kay daghan ang bag-ong normal tungod sa Covid. Lisod kaayo karong panahuna kay di kita makalihok lihok. Tanang tawo naa lang nagapong sa social media alang sa bag-ong mga lakaw sa Covid. Daghan ang nagkalingaw og chat kay tsika tsika. Mao tingali nga ang imong asawa magsige og utingkay anang iyang cell phone kay magsige og tsika.

Natural dugay na siyang mauli kay wa siyay laing kasakyan. Luoy intawon kaayo rong panahuna ang mga tawo nga way sakyanan kay maglisod sa pag-uli. Mao na nga ang imong asawa malangay sa pag-abot sa inyoha. Kana sang iyang pagpakaligo nimo part usab na sa hygiene tungod aning threat karon sa Covid. Bisan tingali naa ra ka sa inyoha, apan once mogawas ka sa balay, ang threat naa kanunay. Wa ta kahibawo ngab ang imong kasugat diay naay kagaw but siya mismo wa kahibawo nga carrier na siya ani. Busa, ayaw kahibung kon ang imong asawa ingon ani na.

Mahibung ka lang kon ang lihok sa imong asawa magpadayon bisan wa nay Covid. Kana lain na nga sign. Pagkakaron, dawata nga tungod ni sa bag-ong normal nato.

NOY KULAS