27 NANAGAT SA SANCTUARY SA LILOAN NASIKOP

Dili mominos 27 ka mga mananagat ang nadakpan sa lungsod sa Liloan, pasado alas 12 sa kaadlawon kagahapon, Huwebes, Abril 23, sa Bagacay Point Marine Sanctuary sa Barangay Catarnan.

Si PSMSgst.Jonas Catubig sa Liloan Police Station nga nahinabi sa Superbalita Cebu niingon nga human namatikdan sa fish warden ug grupo sa Bantay Dagat sa pagpangisda sa usa ka sakyanang pandagat didto sa dapit nga gidili ang pagpangisda.

Ang warden ug mga kauban nangayo og tabang sa kapulisan aron paglusad sa operasyon ug ilang nasikop ang mga mananagat sa akto.

Ang mga dinakpan mao sila si Leodigardo Legarte, 54; Jovanie Dela Torre, 32;;

Christopher Amancio, 42; Enerson Amancio, 40; Jerry Amancio, 45; Jonathan , 44; Ronald Tampus, 34; Roman Serrano Jr., 26; Begee Amancio, 20; Jeorge Abrasaldo, 26; Ramil Aroma, 37; Agustin Capoy, 57; Rodel Gonzaga, 41; Rene Galindo, 47; ug Jake Mantalban, 31.

Dugang dinakpan nga sila si Regelito Serrano, 39; Armando Siatino, 44; Reggie Vallejo, 40; Norman Laguna Sr, 58; Cristuto Montalban, 34; Celso Endico, 51; Jurex Aacarial, 36: Arnold Laguna, 35: Ritchie Razon, 42; Agustin Gonzaga Jr., 43; Archie Aroma, 35; Bernie Amancio, 44.

Ang 27 ka mga dinakpan pulos lumolupyo sa Barangay Looc, dakbayan sa Danao.

Atol sa gihimong ronda, nasakmit sa mga pulis ug

Bantay Dagat personnel gikan sa mga mangingisda ang usa ka pungpong nga fish net ug ang ilang gisakyan nga motor banca ug ang gibanabana sa 70 kilos nga mga isda nga nakuha sa fish sanctuary nga mokantidad sa kapin P8 mil.

Dugang ni Catubig nga kining mga dinakpan wala mosunod sa pamaagi sa ilang panagat tungod sa pagsulod sa satuary nga iya gipanag iyahan sa lungsod sa Liloan.

Ang nadakpan pulos magatubang ug kaso nga kalapasan sa Akta Republika 10654 o ilegal nga pagpanagat.

Ang tanang nakompiska gi-turn-over ngadto na sa Municipal Environmental Natural Resources Office (MENRO) sa nahisgutang lungsod.