Make-up kits ni Ara wa dawata sa nurse
Dili prioridad sa healthcare frontliners ang mag-makeup karong dunay killer virus sa kalibutan.
Mao ni ang prangkang reaksyon sa usa ka nurse sa Instagram post sa aktres nga si Ara Mina niadtong Dominggo dihang iyang gianunsyong manghatag siya og cosmetic products isip regalo niya sa mga frontliner.
“We willl be sending SELF CARE KITS to the frontliners of my 2 chosen hospitals this week [heart eyes emoji] (THIS IS JUST A GIFT!). ASIDE SA FOOD, MASKS NA BINIBIGAY NATIN. WE'LL GIVE FACE SHIELDS AND PPEs SOON SA TALAGANG NANGANGAILANGAN PO.”
Apan komento sa maong nurse: “Thank you, but at this point of time make up kits is not on top of priorities. (peace sign emoji). Food is more essential for their daily needs.”
Ang tubag ni Ara: “I know this is not the top priority ayan na naman po tayo sa pagjajudge. This is only a bonus or extra may kasama pong food ang pamimigay ko po. IF YOU DON'T LIKE DI KO PO KAYO PIPILITIN. Sana po wag po tayo nega agad. It's free anyway, if you don't like di ko po kayo pipilitin. It's just a GIFT!”
Nianang pagka-ugma giingong nag-sorry hinuon ang nurse kang Ara ug nagkanayon nga dili tiaw magsul-ob og PPE tibuok adlaw ug sa sobra kuno nilang busy wa na silay panahon mag-make-up. Kon duna man silay gikinahanglan karon mao ang pagkaon, tulog, ug pahuway.
Duna say mensahe ang nurse sa mga Instagram followers ni Ara nga nang-bash niya.
“I read all the bashing. Alam nio relax lang we never know when this Health crisis gonna end. I am not affected at all with ur comment normal yan sa pinoy haha."
Sigon sa Pep.ph nga sa unang semana pa lang sa enhanced community quarantine (ECQ) aktibo na si Ara Mina sa pagtabang sa frontliners. Nag-bake ni og cupcakes nga gipanghatag niya sa healthcare workers, sa pipila ka pulis sa Pampanga, ug sa mga sundalo nga nagbantay sa checkpoint sa San Mateo, Rizal.
Nag-donate sad si Ara og 8,000 surgical masks ug pila ka galon nga alcohol sa walo ka mga ospital sa Luzon./