■ GIPATAY:

Gisusi sa mga sakop sa Scene of the Crime Operation (Soco) ang sakyanan ni retired Police Master Sergeant Brazillio Borinaga, 51, kinsa gipusil patay sa wa mailhing gunman atubangan sa iyang balay sa sityo Marina, Barangay Kalunasan, Dakbayan sa Sugbo. Namatay diha-diha si Borinaga tungod sa mga samad pinusilan.

Duha ang killers sa usa ka retiradong pulis nga gipusil patay sa Huwebes sa alas 12:35 sa udto, Mayo 28, 2020, sa sityo Kalubihan, Barangay Kalunasan Dakbayan sa Sugbo.

Mga saksi nga di gustong nganlan nitumbok nga ang gunman nga nipusil patay kang retired Police Master Sergeant Brazilio Borinaga, 51, nagsakay sa usa ka motorsiklo nga nagpaabot kilid sa usa kanhi TV station.

Matod sa mga saksi nga di gustong nganlan, nga ang gunman niduol kang Borinaga nga naglingkod sa driver’s seat sa iyang color maroon nga Mitsubishi Adventure ug gipusil ang kanhi pulis.

Kalma rang nilakaw ang gunman padung sa motorsiklo nga nagpaabot dayon nisibat.

Si Borinaga dunay tulo ka mga samad pinusilan sa ulo ug ubang mga dapit sa lawas.

Giingong bisan natumba na ang kanhi pulis, gitiwasan pa kini sa gunman. Matod sa iyang asawa nga si Helen nga diha siya sulod sa ilang balay kay gikan sila nangompra.

Siya ug ang ilang helper unang gipakanaug ni Borinaga sa sakyanan aron hakuton ang ilang mga kinompra.

Nagtuo si Helen nga gituyo sa killers nga tingpaniudto ang pagpusil kay mingaw ang dapit sa mao nga oras.

Matod ni Helen nga ang iyang bana naghuwat kanila nga mahurot paghakot ang ilang mga kinompra.

Upat ka mga buto sa pusil ang ilang nadunggan ug wa siya magdahom si Brazilio ang gipusil. Wa siyay nahuna-hunaan nga kontra sa dapit.

FACE MASK

Ang usa sa mga saksi, kinsang ngan gipugngan, niingon nga nag maskara ang gunman hinungdan nga lisod ilhon.

Matod sa saksi nga gitiwasan sa pagpusil sa gunman.

Si Major Janelito Marquez, hepe sa Guadalupe Police Station nga nahinabi sa Superbalita Cebu, nagkanayon nga wa pa silay matunmbok nga responsabli sa krimen.

Ilang paningkamutan nga makakuha og kopya sa close circuit television (CCTV) camera sa balay ni Borinaga.

Wa pa silay nakuhang mga saksi kay puro nangahadlok.

Si Borinaga nadestino kanhi sa Cebu City Police Office (CCPO0, apan gibalhin sa Kalinga Apayao.

Sii Borinaga niretiro og sayo pagkapulis sa Hulyo, 2019,