Bea Rose na-postpone ang kidney transplant
Tungod sa coronavirus pandemic, wa madayon ang kidney-transplant procedure ni Miss International 2013 Bea Rose Santiago.
Matod ni Bea sa iyang Instagram post nga postponed karon ang tanang transplants. Apan padayon ang iyang dialysis treatment sa Toronto, Canada.
Niadtong Agusto 2018 dihang gibutyag ni Bea Rose sa publiko nga duna siyay chronic kidney disease nga iyang nakuha 17 anyos pa lang siya tungod sa paginom og mga pre-workout drink.
Giingong posible niyang kidney donor ang iyang inahan, igsuon, higala ug boyfriend nga si Marc Nash. Apan niadtong Mayo
10 atol sa Mother’s Day, iyang gipasalamatan ang iyang mama nga nisugot nga maoy mahimo niyang kidney donor. "Thank you for your willingness to give mama! I’m crying as I am writing this. I really appreciate you. I’m one of the lucky ones to still have my mommy with me. Thank you for willing to be my angel,” tipik sa iyang Instagram post nga nakutlo sa Pep.