MANGAPIL TANANG BATA SA PILIPINAS
Nagtinguha ang Nestle Philippines nga makasalmot ang tanang mga bata nga nag-edad og siyete ngadto sa 12 anyos sa Pilipinas sa bag-o nilang online sports program nga gitawag og “Milo Home Court.”
Ang programa pormal nga gilusad dinhi sa Sugbo kagahapon pinaagi sa virtual press conference gamit ang Zoom app.
Taliwala sa padayong hulga sa coronavirus disease 2019 (Covid-19), ang mga bata makahilambigit gihapon sa paugnat sa kusog sulod mismo sa ilang panimalay pinaagi sa online course training videos nga idalit sa programa.
Matod ni Lester Castillo, ang Assistant Vice President Nestlé Philippines, lapas na sa 1 million views ang ilang mga training course videos nga makita sa tanan sa ilang official Youtube page.
Nakig-alayon pud sila sa
Philippine Sports Commission (PSC), Department of Education (DepEd) ug national sports associations alang aning programa.
Gusto ni Castillo nga maabot ang tanang mga bata sa Pilipinas sa ilang programa tungod importante man ang physical ug mental health hilabi na ning panahon sa pandemya.
“This program enables the parents to create the ideal environment at the comfort of their homes. Though alam natin na iba-iba ang setup nang bahay ng ibang pamilya, pero may paraan diyan, and it’s should not stop us from creating that
area for play,” matod ni Castillo sa Zoom press conference.
Dugang ni Castillo nga apil sa ilang plano ang pagpakig-alayon sa DepEd para mahilakip kining maong programa sa Physical Education online classes sa pagsugod sa academic year 2020-2021.
“Millions na ang na-reach nang videos natin sa YouTube, everyone can check this at their most convenient time. We want to reach as many children as our goal is to impart the importance of fitness especially in these trying times,” pasabot ni Castillo. Anaa pud sa Zoom press conference si PSC Commissioner Ramon Fernandez, kinsa mipadayag og dakong suporta sa Milo Home Court program.
“I’m hoping this program will be able to motivate many kids. We are hoping for better times in the coming months. This program comes in very timely indeed. We have to put our immune system in top safe to primarily fight off this pandemic. It’s the most important thing that we can do right now,” matod ni Fernandez.
Sa pagkakaron adunay siyam ka sporting events nga gitanyag ang Home Court program lakip na niini ang basketball, karate, ug arnis. Ilang plano nga palapdan pa kini hangtod ngadto sa 18 ka sporting events.
Giawhag ni Castillo ang mga ginikanan nga dasigon ang ilang mga anak sa pagsalmot sa programa.
Adunay duha ka mga pamaagi aron makaapil ang mga bata sa training. Kini mao ang instructional videos sa Youtube ug ang mas personal nga interactive sports clinic nga ipaagi sa Google Zoom ubos sa paggiya sa training coaches.
Karong buwana, sugdan na sa Milo Sports Clinic ang Zoom session sa taekwondo, gymnastics ug football.
Aduna sab sila programa nga Home Court Team Play— usa ka free online exercise— kauban si Allysa Valdez, Jamie Lim ug coach Jim Saret karong Agosto 16, 2020.
Ang Olympian ug 2019 SEA Games silver medalist Mary Joy Tabal niingon nga dako ang nausab tungod sa pandemiya apan adunay mga pamaagi nga makapadayon sa training routines, usa na niini ang online modules.
“I’m not used in staying indoor, since running is majority outdoor. It was a challenge for me to keep track my fitness and training programs in first two months. But after a couple of months I have adjusted with my home setup,” saysay ni Tabal. Gidasig ni Tabal ang mga bata nga padayong mangandoy taliwala sa mga pagsuway. /