GrabCar mibiyahe na sa siyudad sa Cebu, Talisay

Human sa pagpaubos sa dakbayan sa Sugbo sa general community quarantine (GCQ), ang GrabCar mibalik usab sa iyang serbisyo sa mga dakbayan sa Sugbo ug Talisay aron pagtabang sa publiko alang sa luwas ug kasaligan nga masakyan nunot sa pagbalik na sa ekonomiya.

Sa pagpakabana sa Grab sa pagpabalik sa ekonomiya sa Sugbo, sulod sa duha ka semana sa GCQ, ang bayad sa pagsakay sa GrabCar pinaagi sa GrabPay dunay 50% nga pagminos sa pletihan aron pag-ayuda sa essential service workers, small business owners, ug general commuting public sa ilang matag adlaw nga kalihokan.

Sa pikas bahin, ang Grab wala usab una mokuha og komisyon gikan sa Cebu-based driver-partners sulod sa duha ka semana sa GCQ sa dakbayan.

Samtang niabli ang dakbayan sa Sugbo sa iyang ekonomiya, ang Grab nakighiusa sa dakbayan sa pagpanalipod sa mga kinabuhi ug panginabuhian sa mga Sugbuanon.

Ang GrabProtect, Grab’s safety ug hygiene program, mopadayon sa iyang pagpatuman sa tanang sa GrabCar services sa pagseguro nga ang atong komunidad nga giserbisyohan sa Grab luwas labina sa pagbiyahe sa new normal.

“As Cebu City graduates to GCQ, transportation will remain to be a beating lifeline of our economy, and Grab will remain an enduring partner to the City of Cebu by providing safe and reliable transport services to the commuting public. While public health restrictions ease, let us not lose sight of our commitment to safety - not just for ourselves, but for our communities as well," matod ni Raymond Dejan, Grab Philippines Sr. City Manager for Vis-Min.

Dugang niya, "Many of us have been impacted by the pandemic, but we hope that with our GrabProtect Program and our other initiatives for our riding public as well as our driverpartners here in Cebu, we will continue to safely reopen our economy."