GWEN UYON PAGSUSPENSO SA PILOT CLASSES SA DEPED

Sukwahi sa iyang unang posisyon, si Cebu Governor Gwendolyn Garcia nga nagawhag sa face-to-face classes sa Lalawigan sa Sugbo, nipahibalo nga siya mosanong sa mando ni Presidente Rodrigo Duterte sa pagsuspenso sa pilot classes sa nasud subay sa hulga sa bag-ong variant sa coronavirus disease (Covid-19).

Gipahibalo kini ni Garcia atol sa iyang pakighinabi sa mga tigbalita Disyembre 29, 2020.

“Well, we abide by the wishes of the President that’s why we elected him. If his judgment says it is best to suspend na pud og balik ang face-to-face, then we should abide by his wishes,” matod ni Garcia.

Dugang ni Garcia nga ang gihimong lakang makahatag hinuon og mas taas nga lugway sa pagpangandam sa Department of Education (DepEd) alang sa hingpit na unya nga pag bukas sa klase. Inay maglalis, mas maayo gilayon ang pagpangandam alang sa umaabot nga pagpatuman niini.

“Ang ako lang, on the other side, it will give the schools more time to prepare. It will give me also more time to prepare for the school supplies,” dason sa gobernador. Uang Probinsya sa Sugbo sa

pilot areas sa face-to-face classes.

Una na nga mipadayag sa suporta si Garcia sa maong lakang nga gisegundahan usab sa League of Municipalities of the Philippines (LMP) Cebu gumikan sa kalisod nga nasinati sa mga tinun-an ug mga ginikanan sa bag-ong mga pamaagi sa pagtuon.

Mga paagi sama sa pag gamit ug modules, radio-based instruction ug online classes kon diin kinahanglan nga adunay internet connection ang mga tinun-an aron makatungha sa pagtuon.

Subay sa nagpadayon nga pagpangandam, buot ni Garcia nga maapuran og school supplies ang mga tinun-an sa lalawigan og mga gamit pagtungha sama sa notebooks, papel, ballpen ug lapis.

/ SUNSTAR FILE PRESSCON: Usa kini sa mga press conference ni Gob. Gwen Garcia nga iyang pagahimuon kanunay sa panahon nga dunay importanteng ipahibalo sa publiko sama sa isyu sa pagsuspenso sa face-to-face classes diin ang Sugbo usa sa mga pilot area sa nasud.