PISTONS MIKAGAR SA WARRIORS
Gialsa ni Stephen Curry ang Golden State Warriors ngadto sa kadaugan batok sa Detroit Pistons, 116-106, sa NBA regular season kagahapon.
Ang two-time Most Valuable Player (MVP) nga si Curry mitali’g 31 puntos aron pangulohan ang Warriors sa ilang ikaduhang sunodsunod nga daog.
Miamot og 27 puntos si Andrew Wiggins alang sa Warriors, kinsa miduwa nga wala ang ilang star players nga si Klay Thompson (right Achilles)
ug Draymond Green (right
foot) tungod sa injuries. Wala makaduwa sa second
half ang star forward sa Detroit nga si Blake Griffin tungod sa concussion protocol. Si Jerami Grant maoy nangulo sa pilderong Pistons nga adunay 27 puntos.
BUCKS 144, HEAT 97
Gilubong sa Milwaukee
Bucks ang Eastern Conference defending champion Miami Heat, 144-97.
Ang Bucks miposte’g NBA relotte cord nga pinakadaghang threepoint shot nga nahimo sa usa ka duwa human sila moigo og 29 ka itsa sa three-point area.
Grabe ka init ang Bucks kay sa 13 nila ka player nga miduwa, 12 niini pulos nakaigo og
three-point shot. Si Giannis Antetokounmpo lang ang player nga wala makahimo og tres alang sa Bucks.
Si Khris Middleton adunay 25 puntos, midugang si Jrue Holiday og 24 puntos samtang si Donte DiVincenzo mitapos nga adunay 17 puntos gikan sa 5-for6 shooting sa three-point area.
Gipapas sa Bucks ang kanhi record sa Houston Rockets nga 27 ka tres sa usa ka duwa nga natali batok sa Phoenix Suns niadtong April 7, 2019. 76ERS 100, RAPTORS 93
Gikilaw sa Philadelphia 76ers ang Toronto Raptors, 100-93. Si Joel Embiid maoy mipupo og 29 puntos ug milangkat og 16 ka rebounds aron pangulohan ang iyang team sa kadaogan.
Miagi og kabalaka ang 76ers human migawas si Embiid sa sayong bahin sa third quarter og posible nga adunay leg injury.
Nakaginhawa ang Philadelphia sa pagbalik sa bigman human lang ang pipila ka minuto aron tapuson ang duwa.
Si Tobias Harris miamot og 26 puntos ug 11 ka rebounds alang sa 76ers.
Si Kyle Lowry mitali og 24 puntos, midugang og 20 puntos matag-usa si Pascal Siakam og OG Anunoby alang sa Raptors.
CELTICS 116, PACERS 111
Mipabuhagay og 27 puntos si Jayson Tatum aron tabangan ang Boston Celtics batok Indiana Pacers, 116-111.
Gilubong ang Celtics og 17 puntos, apan nakabangon kiini sa uwahing bahin sa duwa diin ilang gi-outscored ang Pacers, 33-18, sa fourth quarter.
Si Jaylen Brown midugang og 20 puntos alang sa Celtics.
Ang pambato sa Pacers nga si Victor Oladipo mihimo’g 24 puntos.
BULLS 115, WIZARDS 107
Wa magsilbi ang gahom sa Washington Wizards human sila gisungag sa Chicago Bulls.
Gipangulohan ni Zach Lavine ang Bulls sa iyang 23 puntos, samtang midunol og 18 puntos si Coby White aron ibulsa ang ilang unang daog karon nga season.
Wa mosalir ang triple-double ni Russell Westbrook kay nagpabilin man gihapon nga walay daog ang Wizards. Si Westbrook adunay 21 puntos, 15 rebounds ug 11 ka assists.