P2.5M AYUDA SA APEKTADO SA PROYEKTO

Ang Cebu City Government nihatag og dul-an P2.5 milyones ngadto sa 70 ka pamilya nga apektado sa flood control project kay nagpuyo daplin sa sapa nga naa sa utlanan sa Barangay Tejero ug Bafrangay Tinago.

Kini human giaprobahan sa City Council ang resolution ni

majority floor leader Raymond Garcia, chairman sa committee on housing sa konseho.

Ang Division for the Welfare of the Urban Poor (DWUP) pinangulohan ni Simeon Romarate maoy niapud-apod sa ayuda balor og P35,000 matag apektado nga balay sa niaging mga semana para masugdan ang pagguba ang mga estruktura nga nasulod sa three-meter easement zone.

Ang Department of Public Works and Highways (DPHW) adunay inisyal nga P140 milyones nga kwarta para sa maong proyekto nga gi-download ngadto sa Cebu City Treasurer’s Office sa City Hall.

“I hope nga dako’g maabot ang hapit P2.5 million nga hinabang nga atong gi-propose ngadto sa konseho, agi sa Committee on Housing nga atong gidumala,” padayag ni Garcia. “Sometimes, kinahanglan

lang gyud nga we make the tough decision between losing our properties and potentially placing ourselves in danger when disasters strike,” matod ni Garcia.

Ang DPWH nagsugod na

sa pagguba sa mga concrete ug light materials sa Lahug river nga nitadlas sa Tejero ug Tinago para mapalapdan ug mapaladman ang sapa ug mabutangan og riprap ang kilid aron dili na moawas ang tubig panahon sa kusog nga uwan.

Si Konsehal Jerry Guardo, chairman sa committee on infrastructire, nagkanayon nga subay sa direktiba ni Mayor Edgardo Labella, kinahanglan nga mapaspasan ang implementasyon sa maong proyekto sa dili pa moabot ang panahon sa ting-uwan ug tingbaha.