BANDA NGA PINALAHI, THE SELIM
Talagsaon ang timpla ug tema sa mga orihinal nga gi-compose nga awit sa The Selim band tungod sa ilang alternative folk rock nga genre nga maoy ilang distinction sa ubang Bisrock nga banda.
Kon paminawon ang ilang komposisyon ug awit sama ra nga naminaw sa awit sa Pinoy music icon nga si Freddie Aguilar nga adunay distortion effect nga maoy naandan sa folk rock.
Ang The Selim nga nagbase sa Inoburan, Naga City, lalawigan sa
Sugbo maoy niguwa nga grand champion niadtong 2018 Bisrock Songwriting Contest Season 2 nga gipaluyohan sa Lemmonhead Publishing nga gipahigayon sa ‘Tambayan Sa Lacion.’
Ang awit nila nga giulohan og “Ginikanan” maoy nagsilbing yawe sa ilang kadaugan.
“Ang komposisyon nagpahinumdum sa responsibilidad sa mga ginikanan ngadto sa ilang mga anak. Ingon man ang anak sa pag-atiman ug pagpangga ngadto sa ilang ginikanan,” tipik sa pamahayag ni Russel Selim.
Laing nakalahi sa The Selim mao ang naglangkob nga miyembro diin ang amahan nga karista uban sab ang iyang anak nga sila si Rodrigo ug ang batan-ong Selim nga si Russel nga pulos maoy vocals.
Ang ubang miyembre naglakip nila ni Francis Lapay Ancon ( lead guitars), Feliciano Limpangog (bass guitar), Rare Anthony Deguma (Led & Rhythm), Clyde Alfante (drums), ug Sound Engineer: Mr. Bu Records a.k.a. Buroy.
Sa kadtong interesado nga maminaw sa mga awit sa The Selim mahimong i-search sa YouTube.
Mamahimo sab nga ma-stream o ma-download sa mga online music stores sama sa Spotify, iTunes, Google Play, Deezer ug uban pa.