Crying in the rain

Gipasulod ko ni Andro sa ilang balay. Nag-atbang mig lingkod sa sala. Milingi-lingi ko.

“Dunay gilakaw sila si Mama ug Papa, Nova.”

Nakasabot si Andro sa diha sa akong hunahuna. Nahibulong man gud ko nga morag si Andro ra ang tawo sa ilang balay.

“Mikuyog ang akong manghod. Mitambong silag birthday party sa igsuon ni Mama.”

Sunday niadtong adlawa. Wa mi klase. Nagtungha na sa hayiskol ang manghod ni Andro. Duha ra silang magsuon.

“Wa na man ka moeskuwela, An. Ayaw iamong ang imong study. Naay daghang babaye.”

Namuwa ang mga mata ni Andro. Unya mihilak gyud siya. Naluoy kaayo ko sa akong best friend. Giduol ko siya ug gigakos. Akong gialam-alaman.

“Dawata ang reyalidad, Andro. Nakaayo sab nimo nga imong nahibaw-an nga wa diay mahigugma nimo si Shierel mentras sayo pa.”

Mibakho si Andro sa akong dughan. Gihapuhap ko ang iyang buku-buko.

“Sakit gyud ang nahitabo sa akong gugma, Nova.”

Nagpadayon ko paghapuhap sa buku-buko sa akong best friend. Namatngonan ko na lang nga iya kong gigakos. Gusto kong molingkawas apan morag di ko makahimo. Ug nabatyagan ko na lang ang kainit sa mga ngabil ni Andro nga midapat sa akong lips. Nakapiyong ko. Ug wa ko makasabot sa akong gibati kay mibawos kog gakos kang Andro. Mibawos sab kog hawok niya sa iyang mga ngabil.

Nagkaligiray mi sa sawog sa sala. Nakahangos ko ug napaak ko ang ubos kong lips dihang lihokan na kaayo ang mga kamot ni Andro diha sa akong lawas. Wa na koy nahimo dihang parehas na ming wa nay sinina. Morag gusto kong ipataop ang tag-asa kong mga kuko sa buku-buko ni Andro tungod sa hugot kong paggakos kaniya. “Andro! Ayaw!” Nakahung-hong ko sa dalunggan ni Andro dihang ang iyang kamot iyang gipakamang gikan sa akong dughan ngadto sa ubos sa akong pus-on. Sus, puwerte nakong lit-ad sa gibuhat ni Andro. Wa ko makapugong gipaak ko ang bukton ni Andro tungod sa talagsaong kahinam nga akong gibati.

(SUMPAYAN)