CELTICS, NETS GIPANG-USBAN
Gikaduhaan og tuok sa Philadelphia 76ers ug Cleveland Cavaliers ang ilang mga kontra nga pulos lig-on sa ilang tagsatagsa ka division.
Sa ikaduhang higayon, gipukan sa 76ers ang Boston Celtics,122-110 samtang natusaktusak sa pana sa Cavaliers ang Brooklyn Nets, 125-112 atol sa ilang mga duwa kagahapon, Enero 23, 2020.
Ang Sixers gipangulohan ni Joel Embiid pinaagi aa iyang 38 puntos ug 11 rebounds ug niabag si Tobias Harria og 23 puntos ug 8 rebounds para pangulohan ang ilang conference 11-5 samtang nahagsa ang Celtics sa 8-6.
Si Jaylen Brown maoy nangulo sa kapildehan sa Celtics pinaagi sa iyang 42 puntos ug 9 rebounds ug 20 puntos ug 7 assists ang giabag ni Marcus Smart.
Ang Cavaliers gigiyahan na usab ni Collin Sexton kinsa nipabuto og 25 puntos ug 9 ka assists kinsa nipaarak og 42 puntos sa ilang double overtime batok gihapon sa Nets diin sila ang nidaog niadtong Huwebes.
Giabagan siya ni Andre Drummond kinsa nirehistro og
double double, 19 puntos ug 16 rebounds para sa ilang pagsilhig sa Nets.
Samtang ang Brooklyn niduwa nga wala si Kevin Durant gumikan sa iyang Achilles injury ,gipangulohan ni Kyrie Irving pinaagi sa iyang 38 puntos samtang 19 puntos ang giamot ni James Harden.
Si Embiid kinsa mao karon ang nag-una sa MVP race wala nibahar taliwa sa iyang
foul trouble kinsa nipasulod og 14 gikan sa 15 ka itsa sa free throw line ug way mga kurat ang iyang perimeter shots lakip na ang gikan sa three point arc.
Nagsunod kang Embiid sa MVP race mao si Kevin Durant ug Nikola Jokic niining unang usa ka buwan sa duwa sa NBA.