WORLD RECORD HOLDER SA PANGOLEKTA OG DUWAAN

Sukad nga siya nag-edad og 5 anyos, nagsugod na og pagpangolekta og duwaan gikan sa mga fast-food restaurant sama sa McDonald’s, Burger King ug Jollibee, ang Pinoy nga graphic artist nga si Percival Lugue.

Lima ka dekada ang nilabay, ang 50 anyos aduna nay di mominos sa 20 mil ka mga duwaan nga nagpasad gikan sa iyang sawog paingon sa iyang atop.

Siya maoy naghupot sa titulo sa Guinness World Record niadtong 2014 sa dihang nilapas sa 10 mil ka items ang iyang nakolekta.

“The toy is like a storyteller in itself,” matod ni Lugue samtang naglingkod sa iyang mga duwaan sa tulo ka andana nga

balay. “For example, it gives me a glimpse of that particular period when I got it, the story of what’s going on, what are the incidents that are attached in the acquisition,” dugang niya. Ang lumad sa Apalit, Pampanga nagkanayon nga iyang gituyo og pagpatukod iyang balay alang sa iyang koleksyon.

Paambit niya nga ganahan siya sa “excitement” sa pagdawat og mga duwaan ilabi na kon pasko.

Sigon pa niini nga sukad sa iyang pagkabata, mainampingon siya sa iyang mga duwaan di sama sa uban.

Iyang mga gipamalit ang sagad sa iyang mga duwaan samtang ang uban niini hinatag sa iyang mga higala ug pamilya.

“I would invite my friends to... have lunch at McDonald’s... and in one sitting I would be able to

complete the whole set,” ni Lugue. Iyang pinaka-inampingan nga duwaan mao ang “Hetty Spaghetti” figurine sa Jollibee nga hinatag sa iyang inahan niadtong 1998.

Ang iyang pangandoy karon mao nga mahimong public display iyang koleksyon o pag-abli og museum aron “kahatagan og kahigayunan ang uban sa pagbisita og balik sa handurawan niini pagbata.” /

/ REUTERS ■ RECORD HOLDER: Si Percival Lugue, 50, lumad sa Pampanga, maoy naghupot sa Guinness World Book of Records sa pinakadaghang duwaan nga nakolekta gikan sa fast-food chains. Nagsugod siyag pangolekta sa dihang 5 anyos pa siya.