KARAANG ESPADA SA KRUSADA NAKIT-AN
Usa ka espada nga gituohang gikan pa sa panahon sa Krusada ang nakit-an sa usa ka scuba diver didto sa Israel.
Sumala sa Antiquities Authority sa nasud niadtong Lunes nga usa ka lalake ang nag-diving sa milabayng weekend sa amihanang bahin sa nasud sa dihang nakakita kining mga karaang artifacts nga gilangkuban sa mga angkla, mga kulon ug usa ka metro nga espada.
Nahibaw-an nga ang diver igo lang ni dive mga 150 metros gikan sa baybayon ug 5 metros ang giladmon sa tubig sa dihang nadiskubrehan niini iyang kaplag.
Matod sa mga eksperto nga ang dapit kanhi sa silonganan sa mga karaang mga barko ug kini usa ka dapit sa mga “archeological treasures” diin ang uban niini naggikan pa sa mga 4,000 ka tuig ang nakalabay.
Dugang pa niini nga idlas ang mga kaplag nunod sa pagusab-usab sa balas ilawom sa dagat.
Human nakit-an ang espada, dali kining gidala ug gipangat sa diver ngadto sa mga eksperto.
Dugang sa mga otoridad nga gibanabana nga anaa sa 900 anyos ang pangedaron sa maong espada.
“It was found encrusted with marine organisms, but is apparently made of iron. “It is exciting to encounter such a personal object, taking you 900 years back in time to a different era, with knights, armor and swords,” ni Nir Distelfeld, usa ka inspector sa robbery prevention unit sa maong ahensya.
Dugang pa niini nga limpyuhan una nila ug i-analyze ang mga kaplag ilabi na ang espada.
Samtang gipasidunggan ang diver nga si Shlomi Katzin og “certificate of appreciation for good citizenship” sa kagamhanan. Ang mga Krusada kanhi mga serye sa relihiyusong gubat tali sa mga Kristiyano ug Muslim nga nagsugod niadtong 1096 human ang duha ka mga religion nag- ilog sa ‘Balaang Yuta’. /