NAADIK SA ABO SA BANA
Daghang nag-antos sa naglainlaing klase sa adiksyon sa tibuok kalibutan. Gikan sa drugas, ilimnong makahubog ug uban pa, daghang mga butang diin mahimong pwede kabuangan ug maka-adik sa usa ka tawo.
Apan lahi kining adiksyon sa usa ka 26 anyos nga babaye didto sa Tennessee, sa Estados Unidos.
Giangkon ni Casie sa usa ka TV show nga giuluhang “My Strange Addiction” nga naadik siya sa abo sa namatay na niyang bana.
Sa maong programa, iyang gisaysay kanus-a nagsugod iyang adiksyon.
Nahimamat niya iyang bana nga si Sean niadtong 2009 ug gikasal sila sud lang sa 10 ka buwan nga panagkaila.
Apan nakalas ang kinabuhi ni Sean human giatake sa asthma ug sukad siya namatay, nanunay dala ni Casie ang iyang abo bisan asa kini molakaw.
“I take my husband everywhere. Be it the grocery store, shopping, movies, restaurants, wherever I go, he goes,” ni Casie. Usa ka adlaw, sa dihang gibalhin niya ang abo sa iyang bana sa laing sulanan, ang uban niini nayabo sa iyang kamot.
Tungod di siya ganahan mausik ang abo, iya kining gitilaan ug wa na siya mihunong pa.
Iyang gibutyag nga di mominos kalima sa usa ka adlaw ituslob niya iyang mga tudlo sa abo ug iya king tilaan.
“That is my husband, and I didn’t want to wipe him away. So, I just licked him off my fingers. And here I am, almost two months later, and I cannot stop. I am eating my husband,” saysay niya.
Paambit niya nga sukad sa iyang adiksyon, niubos og 19 kilos iyang timbang sud lang sa 2 ka buwan nga sigeg kilaw sa abo sa iyang bana.
Apan gikauwaw niya ang iyang gibuhat ilabi na kung mahuman na siya’g kaon sa abo.
“I have to stop eating him. I have lost him once. This time it will be mwy fault if I lose him again,” ni Casie sa programa. /