LAWAS NAMINHOD HUMAN NIPUNIT SA KWARTA
Mao ni giingon nga di gyud ta pataka’g punit og kwarta nga atong makit-an sa dalan.
Usa ka babaye sa Kentucky, USA, matod sa taho sa India Times, nidangat sa tambalanan human niya gipunit ang usa ka papel de banco nga gituohang gibutangan og hilo.
Ang papel de banco nakitan ni Renne Parson sa kasilyas sa usa ka kan-anan sa McDonald’s sa ilang dapit.
“My body went completely numb, I could barely talk and I could barely breathe. I was fighting to stay awake,” sumala sa iyang Facebook post nga gikutlo sa mantalaan.
Dugang niya nga atol sa insidente naglakaw siya uban sa iyang bana nga si Justin ug mga anak sa dihang nihunong sila sa maong fastfood chain aron mogamit sa kasilyas.
Iya pang gigunitan ang iyang tulo ka buwan nga masuso sa dihang naggamit sa kasilyas sa dihang iyang nakit-an ang dollar bill sa sawog. Sa way pagduha-duha, iya kining gipunit.
Sa pagbalik niya sa sakyanan, nakasinati siya og mga simtomas.
“All of a sudden I felt it start in my shoulders and the feeling was quickly going down my body and it would not stop,” esplikar niya. Nanggahi ang iyang lawas ug wa siya makalihok samtang iyang gigunitan ang braso sa iyang bana.
“I could barely talk and I could barely breathe. I was fighting to stay awake as Justin was screaming at me to stay awake and trying to talk to 911 and find the closest Fire Station or Hospital. I passed out before we arrived at the hospital, but thankfully they worked almost as quickly as my husband did to get me there,” saysay niya. Daling nisutoy paingon sa tambalanan si Justin aron mapadangat iyang asawa sa tambalanan.
“She looked like she was dying. She certainly was unconscious and very pale,” ni Justin sa dihang nahinabi sa WKRN News 2. Dugang niya nga iya sab nabatyagan ang sintomas sa dihang gihikap siya sa iyang asawa sa braso.
Nagtuo ang magtiayon nga gibutangan og isog nga drugas nga fentanyl ang maong kwarta. /