2 KA MGA PINOY MOAWAY SA U.S.
Sa tinguha nga makabaton og boxing champion ang Pilipinas, adunay duha ka mga Filipino ang gikatakdang moaway sa Amerika karong Oktubre.
Sila mao si Jerwin Ancajas ug Eumir Marcial. Si Ancajas mo-exercise sa iyang rematch close sa iyang kanhi away nga si Argentine Fernando “Puma” Martinez, kinsa maoy niilog sa iyang International Boxing Federation junior bantamweight belt niadtong Pebrero.
Si Gibbons, kinsa maoy representante sa MP Promotions nga maoy nagpromote kang Ancajas, nihisgot nga posibleng sa Oktubre 1 ipahigayon ang maong away base sa report sa Philboxing.com
Nakurat ang boxing community dihang napilde si
Ancajas ni Martinez, kinsa gihulagway nga kuwang sa kasinatian samtang ang kanhi Pinoy boxing champ ka-10 na nidepensa sa maong bakus sukad niadtong Septiyembre 2016. Si Gibbons nipadayag nga gawas nga gustong sakmiton og balik ni Ancajas ang bakus nga nalangkat gikan sa iyang mga kamot, si Marcial gitinguha usab nga makaaway sa ikatulong higayon sa iyang professional career.
“That would be great. Very good chance (that’s going to happen),” padayag ni Gibbons.
Si Marcial niaway usab ilawom sa MP Promotions nga gipanag-iya ni former Senator Manny Pacquiao, kinsa nag-inusara nga 8th-time division world champion, kinsa gidumala ni Gibbons.
Katapusang nakaaway si Marcial isip usa ka pro niadto pang Abril diin katulo siya na-down apan iya gihapong gi-knockout si Isiah Hart.
Sa kasamtangan, ang Pilipinas walay world champion sanglit pulos gilangkatan sa ilang mga bakos ang kanhi mga champion. Katapusan nga naghupot niini mao si Mark Magsayo kinsa napilde niadtong Hulyo 10.