3 patay sa shootout sa Ateneo de Manila

Kanhi Lamitan City Mayor Rose Furigay ug laing duha ka tawo, ang patay sa pinusilay sulod sa Ateneo de Manila University (AdMU) sa Katipunan Avenue, dakbayan sa Quezon City kagahapon, Hulyo 24, 2022.

Si Quezon City Police Director Brigadier General Remus Medina nagkanayon nga ang ubang namatay mao sila si Victor Capistrano, usa ka kawani sa lokal nga kagamhanan ug usa ka security guard sa AdMU.

Giila ni Medina ang suspek nga si Doctor Chao-Tiao Yumol, 38, residente sa Lamitan City, kinsa nadakpan human sa pipila ka minutos uban sa pag-abag sa publiko.

Dugang sa taho, ang pinusilay nahitabo alas 3:30 sa hapon sa Areté building sa AdMU diin ang law school graduation ipahigayon apan ang kalihokan nakanselar tungod sa hitabo.

Human sa pagpamusil, si Yumol nisakmit sa usa ka sakyanan gikan sa usa mga ningtambong sa kalihokan ug dayong sibat.

Si Yumol nasikop sa Aurora Avenue. Nakuhaan og duha ka mga armas ug daghang bala.

Si Medina niingon nga si Furigay nipasaka og 76 ka cyber-libel charges batok kang Yumol, busa dili kini makapraktis sa propisyon.

Ang suspek nituyo sa paglarga sa Manila aron pagpatay kang Furigay, dugang ni Medina.