Drayber sa taxi giataki, patay

Usa ka drayber sa taxi ang napalgang patay na sulod sa sakyanan nga nag-park sa usa ka gasoline station sa Barangay Tipolo, dakbayan sa Mandaue, alas 8:00 sa buntag sa Dominggo, Hulyo 24, 2022.

Ang drayber mao si Warlito Morejon Labajo, 49, taga

Villalorena II, San Vicente, lungsod sa Liloan.

Sa imbestigasyon sa kapulisan nga gipangulohan ni Police Senior Master Sergeant Joelister Ligaray, nasuta nga si Labajo namatikdan sa usa ka kawani sa Petron Gas Station sa Tipolo diin naka-parking ang iyang taxi.

Sa pag-abot sa City Disaster Risk Reduction and Management Office (CDRRMO) sa pagpangulo ni Vince Perez, si Labajo nasuta nga patay na.

Sumala sa asawa, si Labajo giataki na niadto sa kasingkasing apan natabang kini.

Dugang sa asawa, kagahapon sa kaadlawon, nag-text kini ug nireklamo na nalipong hinungdan nga iyang gisultihan nga mopauli na lang.