Liza Soberano nakig-dance challenge sa K-pop stars
Nakig-dance collaboration si
Liza Soberano sa K-Pop stars nga sila si Jay Park ug DK sa iKON.
Sabado, Hulyo 23, dihang gi-post sa former 2PM leader ug founder and former chief executive officer sa hip-hop labels AOMG ug H1gher Music, Jay Park ang video uban ni Liza lakip ang bag-ong release nga kanta niini nga “Need To Know.”
“#NeedToKnow with @lizasoberano. Been killing game for so long but still so young!! Thank you!! Maraming salamat!!” sa post ni Jay.
Mi-reply usab si Liza og “Had such a great time getting to know you.”
Sa latest TikTok post usab ni Liza, nanayaw silang duha ni DK. Mi-upload usab ang K-Pop star og duha ka TikTok dance cover nila.
Kuyog ni Liza nga mibisita sa South Korea ang co-founder sa Careless nga si James Reid diin mibisita sila sa YG Entertainment, ang agency sa sikat nga K-Pop acts nga BigBang, 2NE1, ug BLACKPINK. /