Obiena sulod sa final round sa World Athletics

Nakasulod sa final round ang numero unong pole vaulter sa Pilipinas nga si EJ Obiena sa World Athletics

Championship sa miaging adlaw, Hulyo 23, 2022 (RP time) sa the United States.

Si Obiena nahilakip sa 12 ka mga atleta gikan sa duha ka mga grupo nga nakalusot sa qualifying round human nakalabang sa 5.75 meter mark sulod sa duha ka mga pagsuway.

Sa wala pa ang final clearance, si Obiena nagkinahanglan pa og duha ka pagsuway sa 5.50 meters ug kausa sa 5.60 meters.

Sa final round, nga ipahigayon karong adlawa, Hulyo 25, 2022, ikasangka ni Obiena ang dekalidad nga pole vaulters sama nila ni record holder Armand Duplantis, Christopher Nilsen, Oleg Zernikel, ug Thiago Braz.