Pinay footballers mohamag og 4-nation tournament

Sa dili pa sila mohamag sa FIFA Women’s World Cup sa sunod tuig nga ipahigayonsa Australia ug New Zealand, ang Philippine national women’s football team mokombati una og usa ka malisod nga torneyo isip tipik sa ilang

pagpangandam.

Ang Philippine Football Federation (PFF) naglaraw nga mopahigayon og four-nation tournament karong Hunyo 2023, usa ka buwan sa dili pa ang World Cup.

“Ang plano naman kasi is before

they go to the World Cup, we plan to hold a four-nation tournament here, maybe [in]

June,” batbat ni PFF President Mariano “Nonong” Araneta nga napatik sa www.abs-cbnnews.com.

Ang mga Pinay ningkulit og kasaysayan dihang nakasulod kini sa semi-finals sa AFC Women’s Asian Cup 2022 niadtong Pebrero nga maoy nagpa-qualify kanila sa World Cup sa labing unang higayon.

Human niini, sunodsunod nga kalampusan na ang naangkon sa RP women’s team diin nakakuha kini og bronze medal sa 31st Southeast Asian Games, ug mikampyon sa 2022 AFF Women’s Championship.

“We might invite some teams that have qualified for the World Cup to play here, which is not part of our group in the draw,” dugang ni Araneta.