FAJARDO NO.1 SA BPC RACE

Mibalik na ang Sugboanong higante nga si JuneMar Fajardo sa naandan niyang gimbuhaton -- pagrehistro og dagkong mga numero.

Ang pambatong sentro sa San Miguel Beermen kasamtangang nag-una sa inilugay sa Best Player of the Conference award sa 2022 Philippine Basketball Association (PBA) Philippine Cup. Human sa elimination

round, ang produkto sa University of Cebu (UC) Webmasters nitali og 43.2 statistical

points gikan sa iyang averages nga 18.5 puntos, league-best

13.5 rebounds, 3.5 assists, 1.0 steals, ug 1.6 blocks.

Ang maong mga numero nakatabang og dako sa Beermen aron maangkon ang No. 1 spot nga naghatag kanila og

twice-to-beat nga bintaha batok sa No. 8 Blackwater Bossing sa quarter-finals.

Si Fajardo miangkon og rekord nga walo ka sunodsunod nga MVP awards gikan * niadtong 2014 hangtod 2019.

Naputol lang kini dihang nakasinati siya og angol sa iyang tuong tiil niadtong 2020 diin si Brgy. Ginebra Gin Kings guard Stanley Pringle maoy nahimong MVP.

Kon magpadayon ang maayong gipakita ni Fajardo sa magsunod nga mga komperensya, hayan dako ang posibilidad nga maangkon niya ang iyang ikapitong MVP title.

Nagsunod kang Fajardo sa inilugay sa BPC mao ang iyang kauban sa Beermen nga si CJ Perez, kinsa mirehistro og 39.5 SPs gikan sa averages nga 17.5 puntos, 5.9

rebounds, ug 2.5 assists.

Ang kasamtangang MVP nga si Ginebra guard Scottie Thompson naa sa ikatulong dapit unya ikaupat ang laing sakop sa Ginebra nga si Japeth Aguilar.

Mokompleto sa top 5 mao si Jio Jalalon sa Magnolia Chicken Timplados Hotshots.

/PBA.PH ■ BPC. Si San Miguel Beermen center JuneMar Fajardo, kinsa nag-layup sa hulagway batok sa Blackwater Bossing, maoy kasamtangang nag-una sa BPC race sa 2022 PBA Philippine Cup.