Zubiri Senate President; Romualdez House Speaker
Mga magbabalaud gikan sa duha ka mga kamara sa Kongreso ningbotar sa Lunes, Hulyo 25, 2022, og bag-ong Senate President ug House Speaker mga oras sa dili pa si Presidente Ferdinand “Bongbong” Marcos Jr. mohatag sa iyang State of the Nation Address (Sona).
Si Senador Juan Miguel Zubiri, nailhan nga “trabahador ng Senado,” gipili sa 19 sa 24 ka mga senador isip Senate President sa 19th Congress.
Samtang si Leyte First District Representative Ferdinand Martin Romualdez maoy napiling House Speaker. Nakakuha siya og 283 ka affirmative votes, samtang 22 ka mga magbabalaod sa House of Representatives wala ningbotar, upat ang ning-abstain ug usa ang negatibo.
Si Romualdez, presidente sa Lakas Christian Muslim Democrats (Lakas CMD), ig-agaw ni Marcos.
Sila si Zubiri ug Romualdez nanumpa sa katungdanan human sa ilang pagkapili.
Sa iyang acceptance speech, si Zubiri niingon nga ang 19th Congress adunay “multitasking, proud-sourcing” nga Senado nga maghatag og payload sa mga solusyon inay fault-finding.
Gipasalig ni Zubiri ang usa ka “pagpangulo sa output sa pagkonsulta ug pagtukod sa consensus.”
Siya niingon nga ang Senado mosuporta sa tanan nga nasudnon nga pagtukod pag-usab og sosyal nga kaayohan nga mga paningkamot, dili lamang sa social media hits.
Si Romualdez, sa iyang bahin, nisaad nga siguraduhon niya nga ang Ubos Balay Balauranan “truly embodies the will of the people.”
“We will work hand in hand to ensure the swift passage of measures that are needed by
the society... With unity of purpose, there is nothing that we
cannot do,” matod niya. Gisaad usab niya nga iyang atimanon ang mga kabalaka sa tanan nga mga konstituwente sa mga magbabalaod, nitataw nga “dili niya paboran ang bisan kinsa.”
“There will be fair and equitable distribution of resources for the development of our regions regardless of political affiliations. Any family must be included in the legislative agenda. No one will be left behind,” matod niya.
Sa Senado, ang mibalik nga Senador Loren Legarda napili isip Senate Pro Tempore, ang katungdanan nga giokupar ni Zubiri sa 18th Congress.
Si Senador Joel Villanueva maoy napiling majority floor leader samtang si Senador Aquilino “Koko” Pimentel III maoy napiling minority floor leader.