ANAK NI ERIK NAALIM GIKAN SA CANCER
Gibutyag sa asawa ni Miami Heat Fil-am coach Erik Spoelstra nga si Nikki nga ang ilang kuwatro anyos nga anak nga lalaki paingon nang maalim gikan sa talagsaong matang sa cancer.
Sa iyang emusyonal nga post sa Instagram, nagkanayon si Nikki nga nga na-diagnose si Santiago og Burkitt Lymphoma pipila lang ka mga adlaw ang ninglabay gikan sa kasaulogan sa ikaupat nga tuig nga adlawng natawhan niini.
Apan human sa mga buwan nga pagtambal ug chemotherapy sa Nicklaus Children’s Hospital, gideklarar sa mga doktor sa ospital nga paingon na nga maalim si Santiago.
“He was and continues to be so brave,” matod ni Nikki. “He did not lose his joy. So many friends and loved ones made sure that none of us did.”
“My family and I are incredibly grateful to his pediatricians, the surgeons, the doctors, the nurses, the whole Child Life Team, and all of the staff at Nicklaus who took care of our boy… but also, our family.”
Sa miaging season sa National Basketball Association (NBA), nakapalta og duwa si Spoelstra niadtong Marso, 2022 tungod sa sakit sa iyang anak.
Naagak ni Spoesltra sa No. 1 seed sa Eastern Conference, apan napilde ang Heat batok sa Boston Celtics sa conference finals.