Anthony kuhaon og balik sa LAL?
Nakadawat og mga pagsaway ang Los Angeles Lakers dihang nanguha sila og edaran nga mga beterano sa miaging season sa National Basketball Association (NBA).
Usa kini sa nakitang mga hinungdan nganong wala nakasulod sa playoffs ang Lakers niadtong higayuna.
Apan taliwala niini, adunay hugonhugon nga kuhaon og balik sa Lakers ang 38 anyos nga si Carmelo Anthony alang sa ilang kampanya sa sunod season.
Maayo man sab hinuon og gipakita si Anthony sa miaging season diin nag-average siya og 13.3 puntos.