GIN KINGS NAUNHAN SA BOLTS
Naunhan sa Meralco Bolts ang ilang higpit nga karibal Brgy. Ginebra Gin Kings, 93-82, sa ilang best-of-three quarter-finals series sa main game niadtong Dominggo sa gabii, Hulyo 24, 2022, sa Smart Araneta Coliseum.
Ning sangkaa, kontrolado sa Bolts ang kombati gikan sa sinugdanan hangtod sa katapusan.
“If we want to be a champion, we have to compete with the best; we have to beat the best. We love the opportunity,” matod ni Meralco skipper Chris Newsome. Gipangulohan ni Aaron Black ang kadaugan pinaagi sa iyang 25 puntos, nidugang og 19 puntos si Newsome samtang niamot og 17 puntos si Allein Maliksi. Gipabuhagay sa Bolts nga buhaton nila ang tanan nga dili moabot sa deciding game ang series.
“The good thing about this series is we have five days to regroup, and we’re actually a healthy team now,” asoy ni Meralco coach Luigi Trillo. Pinaagi sa ilang hugot nga depensa ug hapsay nga opensa, ang Bolts nakaposte og 80-62 nga labaw sa 3rd quarter ug wala na kini molingi pagbalik.
Sa laing duwa, nagbangis si Mark Barroca ug nimugna kini’g 24 puntos aron pangulohan ang kadaugan sa Magnolia Chicken Timplados Hotshots batok sa NLEX Road Warriors, 98-89, sa pagsugod sa kaugalingon nilang quarter-finals series.
Ningdugang og 13 puntos matag usa sila si Paul Lee ug Calvin Abueva samtang niamot og 12 puntos si Ian Sangalang alang sa Hotshots.
“We just tried to be focused for 48 minutes and we want to give our best effort, our 100 percent effort in every possession,” matod ni Magnolia coach Chito Victolero.
Puntos matag usa: 1st game: Magnolia (98) - Barroca 24, Lee 13, Abueva 13, Sangalang 12, Jalalon 10, Corpuz 10, Dela Rosa 6, Wong 5, Dionisio 3, Reavis 2.
NLEX (89) - Semerad 19, Oftana 15, Trollano 15, Nieto 12, Chua 11, Quinahan 8, Paniamogan 3, Soyud 2, Varilla 2, Ighalo 2. Quarters: 24-26, 6447, 81-70, 98-89 2nd game:
Meralco (93) - Black 25, Newsome 19, Maliksi 17, Hodge 10, Quinto 9, Almazan 5, Banchero 4, Pascual 4.
Ginebra (82) - Thompson 29, Standhardinger 12, Chan 11, J.Aguilar 10, Pinto 8, Pringle 6, Mariano 5, Onwubere 1. Quarters: 32-25, 53-43, 80-62, 93-82.