5 anyos gilugos sa marshal sa youth camp sa Bohol

Singko anyos nga batang babaye gihiling sa pink room sa Probinsiya sa Bohol human giingong gipanamastamasan sa usa ka marshal sa youth camp sa Lunes sa alas 8 sa gabii, Hulyo 25, 2022 sa Brgy. Cantiguib, Albor.

Mga duha ka oras ang nakalabay, nasikop ang suspek sa hot pursuit operation human nakasumbong ang mga ginikanan sa bata.

Si Police Senior Master Sergeant Roselle Olar sa Albor Police Station sa probinsiya sa Bohol nibutyag nga ang bata nga si Amber (di tinuod niyang ngan) nag-inusarang nahabilin sa kwarto tungod kay mga ginikanan nag-asikaso pa sa mga batan-on nga ningsalmot sa youth camp.

Ang biktima nagduwa-duwa niadtong tungora dihang nakit-an sa suspek nga si Junrey (di tinuod niyang ngan), 38, iyang gihagad ug gidala sa laing kwarto ang bata.

“Matod sa parents ug victim nga gihagkan daw siya gihuboan ug gipasulod ang _____ sa suspek ngadto na sa bata. Apan tungod siguro nga dili masulod murag ang gibuhat sa suspek murag giugsok-usok ang iyaha ngadto na sa ______ sa bata,” butyag ni Olar base sa ilang imbestigasyon.

Human sa hitabo, nisumbong ang bata ngadto sa iyang mga ginikanan sa gibuhat sa suspek.

Tungod kay nisibat ang suspek sa lugar, dali nga nagpakitabang ang mga ginikanan sa mga pulis.