SuperBalita Cebu

51 anyos napalgang patay sa sagingan

-

Usa ka 51 anyos nga lalaki napalgan nga naa na sa

state of decomposit­ion sa kasagingan sa Purok 3, Sitio Linaw, Barangay Tangaran, lungsod sa Clarin, Bohol, alas 7:00 sa buntag sa Miyerkules, Hulyo 27, 2022.

Napalgan ang lawas tungod sa baho nga namatikdan sa mga residente sa dapit ug gisusi kini human sa duha ka adlaw nga wala mawala baho.

Si Police Lieutenant Albert Sator, hepe sa Clarin Police Station, nagkanayon nga ang namatay giila nga si Pablo Aton, taga Barangay Nahawan sa nahisgutan nga lungsod.

Ang Clarin Police Station nakadawat sa tawag sa telepono gikan kang Leonila Lopez, barangay kapitan sa Tangaran, kalabot sa ilang nadiskobre­han nga patay nga lawas. Sa pagrespond­e sa Clarin

police personnel, ang lawas naghapa sa kasagingan sa nahisgutan­g lugar.

Sa pakisayod sa kapulisan sa mga tawo sa dapit, ilang nailhan si Aton.

Ang biktima katapusang nakit-an niadtong Lunes, Hulyo 25, 2022, alas 6:00 sa gabiii nga giubanan sa usa ka Reynante Lungay nga nagsakay sa usa ka tricycle paingon na sa Barangay Bacani sa nahisgutan nga lungsod.

Hangtod niining pagsuwat, ang Clarin Police Station nagpadayon pa sa ilang dugang imbestigas­yon sa kamatayon sa biktima aron masuta unsay hinungdan.

Ang doktor nga nisusi sa lawas ni Aton dunay nakita nga deformity sa wala nga bahin sa iyang walang papangig ug gibanabana nga tulo na ka adlaw namatay.”

- Police Lieutenant Albert Sator, hepe sa Clarin Police Station

 ?? CLARIN POLICE ?? GITUDLO: Usa ka pulis nitudlo sa nahimutang­an sa biktima.
CLARIN POLICE GITUDLO: Usa ka pulis nitudlo sa nahimutang­an sa biktima.

Newspapers in Cebuano

Newspapers from Philippines