Pilipinas no. 1 sa anti-trafficking campaign sud na sa 7 ka mga tuig

Ang Pilipinas nagmintinar sa iyang Tier 1 nga ranggo sa usa ka dako nga anti-trafficking report nga gipagawas sa US State Department niadtong Miyerkules, Hulyo 20, nga nagbutang niini taliwala sa labing maayong mga nasud nga nakigbatok sa tanang matang sa human trafficking sa tibuok kalibutan.

Ang tinuig nga Trafficking in Person (TIP) report nagpasiugda sa nagkalainlaing mga solusyon nga gipasiugdahan sa gobyerno sa Pilipinas ug International Justice Mission (IJM) nga nakatabang sa nasud nga magpabiling lider sa nagdagang pito ka mga tuig.

Ang Pilipinas “continued to demonstrate serious and sustained efforts ... considering the impact of the Covid-19 pandemic on its anti-trafficking capacity,” matod sa taho sa 2022 TIP.

Lakip sa uban pang mga paningkamot, ang 600-ka-panid nga taho nagdayeg sa Pilipinas ug United Kingdom tungod sa pag-una sa pagpalambo sa survivor-informed

prevention ug protection models, nga nagpasiugda sa focus

group discussions nga giorganisar o gisuportahan sa Inter-Agency Council Against Trafficking (Iacat) sa Pilipinas ug IJM aron mangayo og input gikan sa mga survivor.

Ang taho nagtala usab sa mga kalamboan sa paggamit sa pinansyal ug digital nga ebidensiya ug ngadto sa plea bargaining sa mga kaso sa korte, nga nagpamenos sa pagsalig sa survivor testimony ug nagpadali sa mga paghusay, nga nagpaubos sa potensyal nga ma-trauma pag-usab ang mga bata.

“We thank the US State Department for acknowledging robust initiatives in the Philippines to combat trafficking in persons, including one of its darkest forms -- the online sexual exploitation of children. The country has received the TIP report’s highest ranking for seven years now because of a collective effort between the government and like-minded partners to prevent human trafficking and hold perpetrators accountable. We are steadfast in our shared pursuit to end impunity for trafficking crimes,” matod sa Inter-Agency Council Against Trafficking OIC-Executive Director Wendell P. Bendoval.

Gihangop usab ni Police Brigadier General Edgar DM Cacayan, hepe sa Philippine National Police-Women and Children Protection Center, ang maong taho.