TAMBAGI KO, NOY KULAS

Dear Noy Kulas,

Good day ninyo sa Superbalita. Tawga lang ko sa alyas nga Dindin. Minyo na ko ug dunay mga anak.

Ang akong bana naa sa abroad while ako nag work ra diri. Nagpabilin ra ko diri aron dunay makaatiman sa mga bata bisan duna koy interest nga mo abroad.

Maayo man pud akong work diri kay dako og sweldo but nagplano mi sa akong husband nga mo retire og sayo aron magnegusyo og igo-igo and enjoy life. Unya maka afford og buy og things and gadgets.

Unya, ang akong sister-inlaw nagsige diay og pamantay. Sige siya og report sa akong bana unya si Hubby, mosulti pud nako nga i-secret na lang aron way daghang estorya.

Naglagot ko kay wa baya ko magpangayo og money, ako nang kita sa work, not from him. Wa siya gahuna-huna nga usahay ako siyang hatagan og gift sa occasions.

Unsa kahay akong buhaton ani niya, Noy Kulas? Ako siyang i-confront kay wa ko kauyon sa iyang gibuhat? Unsay imong ikatambag?

DINDIN

DIN,

Palapsa lang na sa pikas dunggan. Sakto ang imong bana, keep it to yourself aron di ka bantayan. Di malikayan nga dunay mga tawo nga suyaon ba. Maayo kaayo sila sa atubang but libakon ka sa likod o kon wa ka na.

Daghan ang mga traydor nga ing ana. Bisag unsa pay imong buhaton ana nila, ing ana na sila.

So, kon hilig ka tig post sa social media, likayi na lang na aron way gubot.

NOY KULAS

Tampong tambag:

Noy Kulas,

Avid reader sad ko nimo, naa lang koy gamay nga opinion para ni Ed nga nagpatambag sa iyang uyab nga katulo na na biyuda, ako lang ni Noy ug sa mga Tagalog pa palaisipan din ni Ed kon nganong katulo na biyuda it could be nga natural death lang pod tuod pero usahay gud og motan-aw ta aning FBI files, naay gitawag nila og black widow maong akong opinion mag investigate pod si Ed og unsay namatyan sa 3 ka bana labi na nga mismo pamilya sa babaye nag warn niya…. something fishy..

Salamat, have a nice day!

OSILOU