BALDWIN GIBASOL

Kabahin sa sagunsong kapakyasan sa Gilas

Sa sunodsunod nga kapakyasan sa Gilas Pilipinas, ang angay basulon mao ang orihinal nga coach sa national team nga si Tab Baldwin.

Mismong si Samahang Basketbol ng Pilipinas (SBP) president Al Panlilio ang nipadayag niini sa interbyu sa SEAG Live.

Sa pagtuo ni Panlilio, dili masinati sa Gilas Pilipinas ang sunodsunod nga kapakyasan kon nakadesisyon pa si Baldwin nga mogiya sa team sa February window sa 2023 Fiba World Cup Asian qualifiers.

“Honestly, the predicament that we are in today is because of Tab,” matod ni Panlilio nga napatik sa Spin.ph.

“We started losing players, he didn’t want to coach the February window, so as a federation we had to make decisions on how to move forward.”

Mao kini ang labing unang higayon nga adunay opisyal sa federation nga nibutyag og detalye kon nganong napuli si Chot Reyes kang Baldwin isip Gilas Pilipinas head coach.

Matod ni Panlilio nga personal nga nakigsulti si Baldwin kang SBP chairman emeritus Manny V. Pangilinan kabahin sa iyang plano nga dili mogiya sa Gilas Pilipinas ug gipasa lang ang detalye niini ngadto kang Philippine Basketball Association (PBA) chairman Ricky Vargas.

“That conversation was between MVP and Tab. MVP did tell me and Ricky Vargas that for the February window, Tab said to him that he won’t be able to coach for that window and would rather focus on Ateneo at that time,” dugang ni Panlilio.

“That was quite alarming for me because I felt like he was supposed to be the program director and national head coach of the team tapos bigla na lang one window hindi siya pwede magcoach. So parang medyo mahirap naman ata yung ganun.”

Nagtuo si Panlilio nga nibuhi si Baldwin sa Gilas Pilipinas gumikan kay niadtong higayuna, kuwang og dekalidad nga mga magduduwa ang national team.

“I think he knew he had no team and he had no chance to perform well after performing very well in the Fiba Asia Cup qualifying and beating Korea twice in the bubble,” pasabot ni Panlilio.

Gitataw ni Panlilio nga matrain pa unta og insakto ni Baldwin ang puwersa sa Gilas Pilipinas niadtong higayuna tungod kay taastaas pa man ang panahon apan tungod sa iyang kalit nga pagbiya, nalubog ang preparasyon sa national team.