Gusto gihapon moduwa sa BC
Sulod na sab pipila ka mga higayon nga nahisgutan ang pangalan ni Jaylen Brown sa mga puwedeng ipang-trade sa Boston Celtics.
Ning bag-uhay, nibansiwag na sab ang pangalan ni Brown isip maoy ulohan sa gitanyag sa Celtics sa pamasin nga makuha ang superstar nga si Kevin Durant gikan sa Brooklyn Nets.
Apan taliwala ning tanan, gusto lang gihapon ni Brown nga moduwa sa Celtics, batbat ni Jared Weiss sa The Athletic.
Sa miaging season sa National Basketball Association (NBA), dako ang kontribyusyon ni Brown aron makataak sa finals ang Celtics.