CLARKSON MOABOT, AGUSTO 15
Nagkanayon si national team head coach Chot Reyes nga nakatakdang moabot sa Pilipinas karong Agusto 15, 2022 si National Basketball Association (NBA) Fil-Am star Jordan Clarkson aron moapil sa preparasyon sa Gilas Pilipinas alang sa sunod window sa Fiba Basketball World Cup Asia qualifiers.
Nagkanayon si Reyes nga ang Gilas anaa na sa proseso sa pagporma og team nga mag-alirong sa usa sa mga pambato sa Utah Jazz alang sa usa ka tahas diin ikaparang sa mga Pinoy ang Lebanon ug Saudi Arabia sa sunod buwan.
“He has made himself available. He said he can come in and practice starting August
15,” matod ni Reyes kabahin sa kanhi NBA Sixth Man of the Year awardee.
Hinuon, gitataw ni Reyes nga dili pa 100 percent nga segurado ang pagduwa ni Clarkson sa Gilas hangtod nga dili pa kini moabot sa nasod.
“We cannot really be a hundred percent. But right now, we are planning with him in the line-up. We are putting together a line-up with Jordan Clarkson part of the line-up,” dugang ni Reyes.
Ang Gilas mo-host sa Lebanon karong Agusto 25, 2022 ug Saudi Arabia karong Agusto 29, 2022.
“It would be great for the Filipino people to watch Jordan play for the national team here in the Philippines,” dugang ni
Reyes.